ޕީޕީއެމްގެ ނަމުގައި ހެކުކުރާ ލިންކު ފޮނުވަމުންދާތީ ސަމާލުވާން އެދިއްޖެ!
ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) ގެ ނަމުގައި ހެކުކުރާ ލިންކުތަކެއް ފޮނުވަމުންދާތީ ސަމާލުވާން އެދިއްޖެ އެވެ.
ޕީޕީއެމުން ވަނީ އެ ޕާޓީގެ ނަމުގައި ޑީއެޗްއެލްގެ ލިންކާއެކު ފޮނުވަމުންދާ ލިންކުތަކަކީ ސްޕޭމް މެސެޖުތަކެއްކަމަށް ބުނެފައެވެ. އަދި އެ މެސުގައިވާ ލިންކަށް އެއްވެސް ބޭފުޅަކު ވަދެވަޑައިނުގަތުމަށް އެ ޕާޓީން ވަނީ އެދިފައެވެ.
"ޕީޕީއެމްގެ ނަމުގައި ޑީއެޗްއެލްގެ ލިންކާއެކު ފޮނުވަމުންދާ މެސެޖްތަކަކީ ސްޕޭމް މެސެޖްތަކެއް ކަމުގައި ދަންނަވަން. އަދި އެ މެސެޖްގައިވާ ލިންކަށް ނުވެންނެވުން އެެެދެން"
ޕްރޮގްރެސިވް ޕާޓީ އޮފް މޯލްޑިވްސް
އެ ޕާޓީގެ ނަމުގައި ފޮނުވަމުންދާ މެސެޖުތަކަކީ ހެކުކުރާ ލިންކުތަތާއެކު ފޮނުވަމުންދާ ލިންކުތަކެއް ކަމަށާއި، ޕީޕީއެމުން އެފަދަ ލިންކުތަކެއް ނުފޮނުވާނެކަމަށް އެ ޕާޓީން ވަނީ ބުނެފައެވެ.
ސްޕޭމް ލިންކުތައް ބޭނުންކޮށްގެން މީހުންގެ އެކައުންޓުތައް ހެކުކުރުމުގެ މައްސަލަތަކެއް މީގެކުރިން ވެސް ވަނީ ފެންމަތިވެގެން ގޮސްފައެވެ.
އެގޮތުން ބީއެމްއެލްގެ ލިންކުތަކެއް ބޭނުންކޮށްގެން އާންމު މީހުންގެ އެކައުންޓުތައް ހެކުކޮށް، އޭގައި ހުންނަ ފައިސާ ނަގާ އެތައް މައްސަލައެއް ފެންމަތިވެފައިވާއިރު މިފަދަ ލިންކުތަކަށް ސަމާލުވުމަށް ކަމާގުޅުންހުރި އިދާރާތުން ގެންދަނީ އިލްތިމާސް ކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
