މިރޭ ހުރިހާ ރަށެއްގައި ކޭތަ ނަމާދުކުރަން އިސްލާމިކް މިނިސްޓްރީން އަންގައިފި
2023 އޮކްޓޯބަރު 28 ވާ ހޮނިހިރު ދުވަހުގެ ރޭ ހަނދުކޭތައެއް ހިފާނެކަމަށާއި، މިރޭ ރާއްޖޭގެ ހުރިހާ ރަށެއްގެ މިސްކިތްތަކުގައި ކޭތަ ނަމާދުކުރުމަށް މިނިސްޓްރީއޮފް އިސްލަމިކް އެފެއާރޒް އިން އަންގައިފި އެވެ.
އެކަމާއި ގުޅޭގޮތުން އިސްލާމިކް މިނިސްޓްރީން ނެރެފައިވާ ބަޔާނުގައި ބުނެފައި ވަނީ މިހަނދުކޭތަ ހިފަންފަށާނީ ރާއްޖޭ ގަޑިން މިރޭ 23:01 ގައި ކަމަށެވެ. އަދި ކޭތަ އެންމެ ބޮޑަށް ހިފާފައި ހުންނާނީ މިރޭގެ މެންދަމުން އަލިވެ 01:14 ގައި ކަމަށާއި، ހަނދުކޭތަ ވީއްލާނީ ރާއްޖޭ ގަޑިން މިރޭ މެންދަމުންއަލިވެ 03:26 ގައި ކަމަށެވެ.
އިސްލާމިކް މިނިސްޓްރީން ބުނީ ހަނދުކޭތަ ހިފުމާއި ގުޅިގެން މީހުންދިރިއުޅޭ ހުރިހާ ރަށެއްގައި ހުންނަ އެންމެ ބޮޑު މިސްކިތުގައި 2023 އޮކްޓޯބަރ 28 ވާ ހޮނިހިރު ދުވަހުގެ ރޭގަނޑު މެންދަމުން އަލިވެ 01:15 ގައި ކޭތަ ނަމާދު ކުރެވޭނެ އިންތިޒާމް ކައުންސިލް އިދާރާތަކުން ހަމަޖައްސަވައި ދިނުމަށް އެދޭކަމަށެވެ.
އަދި ކޭތަ ނަމާދުކުރާއިރު ކިޔާ ޚުތުބާ އިސްލާމިކް މިނިސްޓްރީގެ ވެބްސައިޓު www.islamicaffairs.gov.mv ގައި ޝާއިރުކުރެވިފައިވާނެ ކަމަށް އިސްލާމިކް މިނިސްޓްރީން ވަނީ ބުނެފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
