އުފަން ދުވަހުގެ ސެޓްފިކެޓު ހިފައިގެން އައިއިރު، 2 ކުދިން އޮތީ ޝަހީދުކޮށްލާފައި!

ދީރް އަލް ބަލާހުގެ އިރުދެކުނުގައި ހުންނަ އެޕާޓްމަންޓަކަށް އަމާޒުކޮށް ދިން ހަމަލާގައި އެއްމާބަނޑު 2 ކުދިންނާއި އެކުދިންގެ މަންމަ އަދި މާމަ ޝަހީދުކޮށްލައިފިއެވެ.

މި ހަމަލާ އަމާޒު ކޮށްފައިވަނީ ދީރް އަލް ބަލާހުގެ އިރުދެކުނުން އޮންނަ އަލްޤަސްތާލް ޓަވަރުގެ ޓަވަރު އެކެއްގައި ހުންނަ ޝަރިފް އަލް ބަތްރަވީގެ އެޕާޓްމަންޓަށެވެ.

އެކުދިންގެ ބައްޕަ ކަމުގައިވާ މުހައްމަދު މަހްދީ އަބޫ އަލް-ކުމްސަން އާއިލާ ގޮވައިގެން ޣައްޒާގެ ދެކުނުގައި އޮންނަ ހާން ޔޫނިސް ސިޓީ އަށް ދިޔައީ އެ ސަރަހައްދުން އެމީހުންނަށް ރައްކާތެރިކަން ލިބޭނެ ކަމަށް އުންމީދުކޮށްގެންނެވެ.

ނަމަވެސް މަހުދީ އެކުދިންގެ އުފަން ދުވަލުގެ ސެޓްފިކެޓް ނަގައިގެން އައިއިރު އެމީހުން އެޅެމުން ދިޔަ އެޕާޓްމަންޓަށް ހަމަލާދީ 2 ކުދިންނާއި އެކުދިންގެ މަންމަވަނީ ޝަހީދު ކޮށްލާފައެވެ.

މަހްދީގެ ދެ ދަރިން އަސެރް އާއި އައިސަލް ޝަހީީދު ކޮށްލާފައިވަނީ ދުނިޔެއަށް އައިތާ 4 ދުވަސްވީ ތަނައެވެ.

އެމީހުންނާއެކު އުފާ ފާޅުކުރާނެ ފުރުސަތެއް ވެސް ނުލިބުނު

އެދެކުދިންގެ ބައްޕަ ކަމުގައިވާ މުހައްމަދު މަހްދީ އަބޫ އަލް-ކުމްސަން

ޣައްޒާގެ ހެލްތު މިނިސްޓްރީން ބުނި ގޮތުގައި، މިދިޔަ އޮކްޓޯބަރު 7 ވަނަ ދުވަހު ހައްދު ފަހަނަ އަޅާފްއިވާ އިސްރާއީލުން ފަލަސްތީނުގެ ޣައްޒާއަށް ދިން ހަމަލާތަކުއި އަލަށް އުފަންވި 115 ކުޑަކުދިން ވަނީ ޝަހީދުކޮށްލާފައިވާ ކަމާށް ޣާއްޒާގެ ހެލްތް މިނިސްޓްރީ އިންވަނީ ބުނެފައެވެ.

އަދި މީގެ އިތުރުން، އޮކްޓޯބަރު މަހުގެ 7 ވަނަ ދުވަހުން ފެށިގެން މިއަދާހައަށް 39،929 ވަނީ ޝަހީދު ކޮށްލާފައެވެ. އަދި މި މުއްދަތުގައި އެކިވަރުގެ ޒަހަމްތައް ލިބުނު މީހުންގެ އަދަދު ވެސް ވަނީ 92،240 އަށް އަރައިފައެވެ.