އިސްރާއީލުން ޣައްޒާގެ ޚާން ޔޫނިސް އަށް ވަރުގަދަ ހަމާލާތަކެއް ދީ 27 މީހުން ޝަހީދު ކޮށްލައިފި

ހައްދު ފަހަނަ އަޅާފައިވާ އިސްރާއީލުގެ ޔަހޫދީން ފަލަސްޡީނުގެ ޣައްޒާގެ ދެކުނުގައި އޮންނަ ޚާން ޔޫނިސް އަށް ވަރުގަދަ ހަމާލާތަކެއްދީ އެތައް ބައެއް ޝަހީދު ކުށްލާފިއެވެ.

އިއްޔެ ހަވީރުއްސުރެ ފަށައިގެން ދެމުންދާ މިހަމަލާތަކުގައި އިއްޔެ ހަމައެކަނި ޚަން ޔޫނިސް އިން ވަނީ 27 މީހަކު ވަނީ ޝާހީދު ކޮށްލާފައެވެ.

ޚާން ޔޫނިސް ސިޓީގެ އިރުމަތީގައި އޮންނަ އަބަސަންގެ އަލް-ޖަދީދަހްގެ އަބޫ ނޫވައިރާ ސްކޫލް ކައިރީގައި ގެދޮރު ގެއްލިފައިވާ މީހުން ދިރިއުޅެމުންދިޔަ ޓެންޓަކަށް ހައްދު ފަހަނަ އަޅާފައިވާ އިސްރާއީލުގެ ޔަހޫދީން ދިން ބޮމުގެ ހަމަލާއެއްގައި 4 ޝަހީދުވެ އެތައްބައެއް ޒަޚަމްވެފައިވަކަމަށް ފަލަސްޡީނުގެ ސިވިލް ޑިފެންސް ސްޕޯކްސްމެން ވިދާޅުވެފައެވެ.

އަދި މީގެ އިތިރުން ރޭދަންވަރުގެ ވަގުތެއްގައި ޣައްޒާގެ އުތުރުން ޖަބަލިއާ ކޭމްޕްގެ އިރުމަތީގައި އޮންނަ  ބްލޮކް 4 ގައި ހުންނަ ރަޔާން އާއިލާއަށް ނިސްބަތްވާ ގެއަކަށް އަމާޒުކޮށް ސިން ހަމާފާގައި މީހަކު ޝަހީދުވެ ގިނަ އަދަދެއްގެ މީހުންނަށްވަނީ އަނިޔާވެފައެވެ.

އިސްރާއީލުން ޣައްޒާގައި ހިންގަމުންދާ ގަތުލު އާންމުގައި މިހާތަނަށް 39،677 މީހުން ޝަހީދުވެ، 91،535 މީހުން ވަނީ ޒަހަމެވެފައެވެ.