ދިހަ ދުވަހުގެ ތެރޭގައި ޣައްޒާގެ 8 ސްކޫލަކަށް ބޮން އަޅައިފި

ޣައްޒާގައި 10 ދުވަހުގެ ތެރޭގައި ހައްދުފަހަނަ އަޅާފައިވާ އިސްރާއީލުގެ ޔަހޫދީން 8 ސްކޫލަކަށް ބޮން އަޅާފައިވާ ކަމަށް އަލް-ޖަޒީރާއިން ބުނެފިއެވެ.

އޯގަސްޓް މަހުގެ ފުރަތަމަ 10 ދުވަހުގެ ތެރޭގައި ހައްދުފަހަނަ އަޅާފައިވާ އިސްރާއީލުގެ ޔަހޫދީން ވަނީ ޣައްޒާގައި ހުރި 8 ސްކޫލަކަށް ހަމަލާދީފައިވާކަމަށް އަލަޖަޒީރާއިން ރިޕޯޓްކޮށްފައިވެއެވެ.

މި ގޮތުން މިދިޔަ ހޮނިހިރު ދުވަހު ފަތިހުގެ ވަގުތުގައި ޣައްޒާ ސިޓީގެ މެދުތެރޭގައި އޮންނަ އަލްދަރާޖް ނެއިބަހޫޑް ގައި ހުންނަ އަލްތަބަޢީން ސުކޫލަށް ދިންހަމަލާގައި 125 މީހުނަށް ވުރެގިނަ މީހުން ވަނީ ޝަހީދު ކޮށްލާފައެވެ.

ހައްދިފަހަނަ އަޅާފައިވާ އިސްރާއީލުގެ ޔަހޫދީން ބުނާ ގޮތުގައި އެމީހުންގެ ހަމަލާތައް ސްކޫލުތަކާއި ހޮސްޕިޓަލުތަކަށް އަމާޒުކުރަނީ އެތަންތަނަކީ ހަމާސްގެ ހަނގުރާމަވެރިން ފިލަން ބޭނުންކުރާ މަރުކަޒުތަކަށްވާތީ ކަމަށެވެ. އަދި އެ ހަމަލާތަކުގައި މަރުވާ އާއްމުން މަދުކުރުމަށް ފިޔަވަޅުތަކެއް އަޅާފައިވާ ކަމަށްވެސް ނިރުބަވެރިން ވަނީ ބުނެފައްވެ.

އިސްރާއީލުން ޣައްޒާގައި ހިންގަމުންދާ ގަތުލު އާންމުގައި މިހާތަނަށް 39،897 މީހުން ޝަހީދުވެ، 92،152 މީހުން ވަނީ ޒަހަމެވެފައެވެ.

މިދިޔަ 48 ގަޑިއިރު ތެރޭގައި 3 ގަތުލު އާންމެއްހިންގައި  142މީހުން ޝަހީދުކޮށްލައި، 150 މީހުން ވަނީ ޒަހަމްކޮށްލާފައެވެ.