އިސްލާމީ މަރުކަޒުގައި ހުކުރު ނަމާދު ކުރުމަށް ޖަމާއަތް ހަދައިގެން-- ފޮޓޯ/ރާއްޖެއެމްވީ
އިސްލާމީ މަރުކަޒުގައި ހުކުރު ނަމާދު ކުރުމަށް ޖަމާއަތް ހަދައިގެން-- ފޮޓޯ/ރާއްޖެއެމްވީ
ދީން 05 Jan 2024 | 14:15

ޚުތުބާގައި ބުނެދިނީ ޤިޔާމަތްދުވަހުގެ ދިލަ އަވީން ހިޔާވަހިކަމެއް ދެއްވާނެ ޢަމަލުތައް!

ގިޔާމަތް ދުވަހުގެ ދިލަ އަވީން ހިޔާވަހިކަން ދެއްވާނެ ޢަމަލުތައް މިއަދުގެ ހުކުރު ޚުތުބާގައި ކިޔައިދީފިއެވެ.

''މަހްޝަރު ދުވަހުގެ ހޫނުން ރައްކާތެރިވުން'' މި މައުޟޫއަށް އަލި އަޅުވާލާ އިއްވި ޚުތުބާގައި ބުނީ ގިޔާމަތް ދުވަހަކީ ބޮޑު އަދި، ބިރުވެރި ދުވަހެއް ކަމަށެވެ. އަދި އެ ދުވަހަކީ ދުވަހުގެ ބިރުވެރިކަމުގެ ބޮޑުކަމުން މީސްތަކުން ފިތްކަނޑައިގެން ދާނެ ކަމަށް ޚުތުބާގައި ބުނެފައިވެއެވެ.

މާތް الله ވަހީކުރައްވާފައިވާ އާޔަތެއްގެ މާނާގައިވަނީ ''އޭ މީސްތަކުންނޭ! ތިޔަބައިމީހުންގެ ވެރިރަސްކަލާނގެއަށް ތިޔަބައިމީހުން ތަގުވާ ވެރިވާށެވެ! ހަމަކަށަވަރުން ގިޔާމަތްވުމުގެ ބިންހެލުމަކީ ބޮޑުވެގެންވާ ކަމެކެވެ. ތިޔަބައިމީހުންނަށް އެ ޒަލްޒަލާތައް ފެންނަ ދުވަހު ކިރުމައިން އެއުރެން ކިރުދޭ ދަރިންގެ މަތިން ހަނދާންނެތި އަދި މާބަނޑު އަންހެނުން އެއުރެންގެ ބަނޑުގައި އޮތް ދަރި ވިހައި އަދި މީސްތަކުން މަސްތުވެފައި ތިބޭބަޔަކު ފަދައިން ތިބާ ދެކޭނޫއެވެ. ނަމަވެސް އެއުރެން ވަނީ މަސްތުވެފައެއް ނޫނެވެ. އެހެނެއްކަމަކު اللهގެ އަޒާބު ގަދަފަދައީއެވެ

ހުކުރު ޚުތުބާ

މިއާއެކު ޚުތުބާގައި ބުނީ، ގިޔާމަތް ދުވަހު އިރު ހުންނާނީ މީސްތަކުންގެ ބޯތަކާއި ނުހަނު ކައިރީގައި ކަމަށް ކީރިތި ރަސޫލާ مُحَمَّدُ صَلَّى اللهُ عَلَيْهِ وَسَلَّمَގެ ހަދީޘް ކުރައްވާފައިވާ ކަމަށާ، އެ އިރުގެ ގަދަ އަވީން ހިޔާވަހިކަމެއް ލިބޭނެ ޢަމަލުތަކާއި ގުޅޭގޮތުން ރަސޫލާ مُحَمَّدُ صَلَّى اللهُ عَلَيْهِ وَسَلَّمَ ޚަބަރު ދެއްވާފައިވާ ކަމަށެވެ.

އަދި، އަންނަނިވި ޢަމަލުތައް ކުރާ މީހުންނަށް އެ ބިރުވެރި ދުވަހުގެ ދިލަ އަވީން ސަލާމަތްކޮށްދޭނެ ހިޔާވަހިކަމެއް މާތް الله ދެއްވާނެ ކަމަށާ އެއީ އެކަލާނގެ އަރްޝީގެ ހިޔާވަހިކަން ކަމަށް ޚުތުބާގައި ބުނެފައިވެއެވެ.

1) އަތްމަތި ދަތި މީހާއަށް އޭނާގެ ދަރަނި އަދާކުރުމުގައި ލުއިކޮށްދިނުންކަން

ޚުތުބާގައި ބުނެފައިވާ ގޮތުގައި މަހްޝަރު ދުވަހުގެ ގަދަހޫނުން ސަލާމަތް ކޮށްދޭނެ ފުރަތަމަ ކަމަކީ އަތްމަތި ދަތި މީހާއަށް އޭނާގެ ދަރަނި އަދާކުރުމުގައި ލުއިކޮށްދިނުމެވެ.

މިއީ މީސްތަކުންގެ މުދާ ބާތިލް ގޮތުގައި ކެއުމަށްޓަކައި ދަރަނި ނަގާ މީހުންގެ ވާހަކަ ނޫން ކަމަށާއި، ދަރަނި އަދާކުރެވޭ ހާލުގައި ދަރަނި އަދާނުކޮށް ދިގު ދަންމާ މީހުންގެ ވާހަކައެއްވެސް ނޫން ކަމަށް ޚުތުބާގައި ބުންޏެވެ. އެހެނެއް ކަމަކު އެއީ ދަރަންޏެއް ނެގިފަހުން ވެސް ތަނަވަސްކަމެއް ނުލިބި ދަރަނި ދައްކަން ނުކުޅެދިފައިވާ މީހާއަށް މުހުލަތުދިނުން ކަމަށާ، ނުވަތަ އެމީހާގެ ދަރަނިން އުނިކޮށްދިނުން ކަމަށް ޚުތުބާގައި ބުނެފައިވެއެވެ. އަދި ދަރަަނިވެރިޔާއަށް ލުއިކޮށްދޭ މީހާއަށް ގިޔާމަތް ދުވަހުން މާތް الله އެކަލާނގެ އަރްޝީގެ ހިޔާވަހިކަން ދެއްވާނެ ކަމަށް ޚުތުބާގައި ވަނީ ބުނެފައެވެ.

ކީރިތި ރަސޫލާ مُحَمَّدُ صَلَّى اللهُ عَلَيْهِ وَسَلَّمَ ހަދީޘްކުރައްވާފައިވާ ބަސްފުޅެއްގެ މާނާގައިވެއެވެ.

"އަތްމަތި ދަތިވެގެން ދަރަނި އަދާ ނުކުރެވުނު މީހާގެ ދަރަނި ފަސްކޮށްދިން މީހާއަށް ނުވަތަ އެ ދަރަނިން ބައެއް އުނިކޮށްދިން މީހާއަށް ގިޔާމަތް ދުވަހުން މާތް الله އެކަލާނގެ ޢަރުޝީގެ ހިޔާވަހިކަން ދެއްވާނެތެވެ."

ހުކުރު ޚުތުބާ

2) ޢަދުލު ވެރި ވެރިޔާ

ޚުތުބާގައި ބުނީ ގިޔާމަތް ދުވަހުން ހިޔާވަހިކަން ލިބޭ އަނެއް ބަޔަކީ އަދުލުވެރި ވެރިޔާ ކަމަށެވެ.

ރަސޫލާ ޞައްލައްالله ޢަލައިހި ހަދީޘް ކުރެއްވި އެވެ. ''  الله ގެ ހިޔާވަހިކަން ނޫން އެހެން ހިޔާވަހިކަމެއް ނުވާ ދުވަހު މާތް الله ހަތް ބާވަތެއްގެ ބަޔަކަށް ހިޔާވަހިކަން ދެއްވާނެއެވެ. އެއީ: އަދްލުވެރި އިމާމާއާއި، އޭނާގެ ވެރި ރަސްކަލާނގެއަށް އަޅުކަންކުރުންމަތީ ބޮޑުވި ޒުވާނާއާއި، މިސްކިތަށް ހިތްޖެހިފައިވާ މީހާ އެބަހީ: ނަމާދުތަކަށް އިންތިޒާރުކޮށް އެއަށް ރައްކާތެރިވާ މީހާ އާއި الله ގެ ވަޖްހުފުޅަށްޓަކައި އެކަކު އަނެކަކުދެކެ ލޯބިވެ އެކުގައި އުޅެ އެގޮތުގައި ވަކިވެދިޔަ ދެމީހުންނާއި، ހަސަބާއ ނަސަބުން މަތިވެރި ރީތި އަންހެނަކު ފާހިޝްކަމަކަށް ދައުވަތު ދިނުމުން އަހުރެން الله ދެކެ ބިރުގަނެއޭ ބުނެ އެކަމާ ދުރުހެލިވި މީހާއާއި ކަނާއަތުން ސަދަގާތްކުރި އެއްޗެއް އޭނާގެ ވާތަށް ވެސް ނޭނގޭހައި މިންވަރަށް ވަންހަނާކުރި މީހާއާއި އެކަނިމާއެކަނި، ތަނެއްގައި އިނދެ الله ހަނދުމަކޮށް އޭނާގެ ދެލޮލުން ކަރުނަ އޮހޮރި މީހާއެވެ."

ހުކުރު ޚުތުބާ

ކީރިތި ރަސޫލާ مُحَمَّدُ صَلَّى اللهُ عَلَيْهِ وَسَلَّمَގެ އިސްވެދިޔަ ހަދީޘްގައި އެންމެ ފުރަތަމަ ވެރިމީހާ ގިންތި ގެންނެވީ މި ގިންތީގެ ފައިދާއާއި ލާބަ ބޮޑުކަމުން ކަމަށް ޚުތުބާގައި ބުނެފައިވެއެވެ. އަދި ވެރިމީހާ ރަނގަޅު ވެއްޖެނަމަ ރައްޔިތުން ރަނގަޅުވާނެ ކަމަށާއި، ވެރިމީހާ ހިންގުންތެރި ވެއްޖެނަމަ ގައުމު ތަރައްގީވެ ފާގަތިކަން އާއްމުވާނެ ކަމަށް ޚުތުބާގައި ބުނެފައިވެއެވެ.

3) މާތް الله އަށް އަޅުކަންކުރުންމަތީ ބޮޑުވި ޒުވާނާ

ޚުތުބާގައި ބުނީ ޢަރުޝީގެ ހިޔާވަހިކަން ލިބޭ އަނެއް ބަޔަކީ މާތް الله އަށް އަޅުކަންކުރުންމަތީ ބޮޑުވި ޒުވާނާ ކަމަށެވެ. އަދި ފުރާވަރުގެ ޢުމުރުގައި ހަވާނަފްސުގެ ގޮވުންތަކަށް އިޖާބަނުދީ މާތް الله ގެ އަމުރުފުޅުތަކާއި ނަހީތަކަށް އިޖާބަދިން ޒުވާނާއަކީ ތެދުވެރި އިޚްލާސްތެރި ޒުވާނެއް ކަމަށެވެ.

4) މިސްކިތަށް ހިތްޖެހިފައިވާ މީހާ

ޚުތުބާގައި ބުނީ ގިޔާމަތް ދުވަހުން ހިޔާވަހިކަން ލިބޭ އަނެއް ބަޔަކީ މިސްކިތަށް ހިތްޖެހިފައިވާ މީހާ ކަމަށެވެ. އޭނާ ކޮންމެ ނަމާދަށްފަހު މިސްކިތުން ފައިބައިގެންދާނީ އަލުން މިސްކިތަށް ދާހިތުން ކަމަށާ، އެއީ މިސްކިތުގަައި، މާތް الله ގެ ހަޟުރަތުގައި ގިނަ ވަގުތު ހޭދަކުރަން އޭނާ އެދޭތީ ކަމަށް ޚުތުބާގައި ބުންޏެވެ. ދުނިޔަވީ ކަންކަމާއި ހުރެ މިސްކިތަށް ދިޔުމަށް އޭނާ ފަސް ނުޖެހޭނެ ކަމަށާ، މާތް الله އޭނާއަށް ހިތްހަމަޖެހުން ދެއްވާނެ ކަމަށް ޚުތުބާގައި ބުނެފައިވެއެވެ.

5) الله ގެ ވަޖްހުފުޅަށްޓަކައި އެކަކު އަނެކަކުދެކެ ލޯބިވެ އެކުގައި އުޅެ އެގޮތުގައި ވަކިވެދިޔަ ދެމީހުން

6) ހަސަބާއ ނަސަބުން މަތިވެރި ރީތި އަންހެނަކު ފާހިޝްކަމަކަށް ދައުވަތު ދިނުމުން الله އަށް ބިރުވެތިވެ އެކަމާ ދުރުހެލިވި މީހާ

7) ސިއްރުން ޞަދަޤާތް ކުރި މީހާ

8) އެކަނިމާއެކަނި، ތަނެއްގައި އިނދެ الله ހަނދުމަކޮށް އޭނާގެ ލޮލުން ކަރުނަ އޮހޮރި މީހާ

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ވާހަކަދައްކާ މީހަކީ ކިތަންމެ ނުބައިނުލަފާ މީހަކަށްވިޔަސް އިސްލާމްދީނުގައި އަންގަވަނީ ރިވެތި ބަހުން ބަސްބުނުމަށް: ޚުޠުބާ
20 Nov 2026 ދީން

ވާހަކަދައްކާ މީހަކީ ކިތަންމެ ނުބައިނުލަފާ މީހަކަށްވިޔަސް އިސްލާމްދީނުގައި އަންގަވަނީ ރިވެތި ބަހުން ބަސްބުނުމަށް: ޚުޠުބާ

މިއަދުގެ ހުކުރު ޚުޠުބާގައި ރިވެތި އަޚުލާޤާއި މަޑުމައިތިރި ބަސްމޮށުމާއި ކެތްތެރިކަމުގެ މުހިންމުކަން ހަނދާންކޮށްދީ، ޤައުމެއް ކުރިއެރުމަށް އަޚުލާޤީ ސިފަތައް ޒަރޫރީކަމަށް ބާރުއަޅުއްވައިފިއެވެ.

ނިޢުމަތްތައް ދެމިއޮތުމާއި ނެތިދިއުން ބިނާވެފައިވަނީ ޝުކުރުވެރިވުމުގެ މައްޗަށް: ޚުޠުބާ
13 Nov 2026 ދީން

ނިޢުމަތްތައް ދެމިއޮތުމާއި ނެތިދިއުން ބިނާވެފައިވަނީ ޝުކުރުވެރިވުމުގެ މައްޗަށް: ޚުޠުބާ

މާތް الله އިންސާނާއަށް ދެއްވާފައިވާ ގުނައި ޢަދަދުނުކުރެވޭހައި ގިނަގުނަ ނިޢުމަތްތައް ދެމިއޮތުމާއި ނެތިދިއުން ބިނާވެފައިވަނީ އެކަލާނގެއަށް ޝުކުރުވެރިވުމުގެ މައްޗަށް ކަމަށް މިއަދުގެ ހުކުރު ޚުޠުބާގައި ބުނެފިއެވެ.

ޞިއްޙަތަށް އިހުމާލުވެ ބޭނުންވާ ޒަރޫރީ ފަރުވާ ދޫކޮށްލުމަކީ އިސްލާމްދީން ހުއްދަކުރާ ކަމެއް ނޫން: ޚުތުބާ
06 Nov 2026 ދީން

ޞިއްޙަތަށް އިހުމާލުވެ ބޭނުންވާ ޒަރޫރީ ފަރުވާ ދޫކޮށްލުމަކީ އިސްލާމްދީން ހުއްދަކުރާ ކަމެއް ނޫން: ޚުތުބާ

ގަސްދުގައި ހަށިގަނޑަށް ގެއްލުންދިނުމާއި، ނުރައްކާތަކަށް ނަފުސު ހުށަހެޅުމާއި، ޞިއްޙަތަށް އިހުމާލުވެ ބޭނުންވާ ޒަރޫރީ ފަރުވާ ދޫކޮށްލުމަކީ އިސްލާމްދީން ހުއްދަކުރާ ކަމެއް ނޫން ކަމަށް މިއަދުގެ ހުކުރު ޚުތުބާގައި ބުނެފިއެވެ.

ރަޙިމު ގުޅުން ކަނޑައިލުމަކީ ބޮޑެތި ފާފަތަކުގެ ތެރޭގައި ހިމެނޭ ކަމެއް؛ އެމީހަކު ސުވަރުގެ ނުވަންނާނެ: ޚުތުބާ
30 Oct 2026 ދީން

ރަޙިމު ގުޅުން ކަނޑައިލުމަކީ ބޮޑެތި ފާފަތަކުގެ ތެރޭގައި ހިމެނޭ ކަމެއް؛ އެމީހަކު ސުވަރުގެ ނުވަންނާނެ: ޚުތުބާ

ޚުތުބާގައި ފާހަގަކުރި ގޮތުގައި، އިންސާނީ މުޖުތަމަޢެއް އުފެދެނީ ޢާއިލާތަކަކުން ކަމަށްވާތީ، ހަރުދަނާ މުޖުތަމަޢެއް ބިނާކުރެވޭނީ ޢާއިލާތައް ހަރުދަނާކުރެވިގެންނެވެ. ނަމަވެސް މިއަދު މުޖުތަމަޢުގެ އަޚުލާޤީ ފެންވަރު ދަށަށް ގޮސް، ޢާއިލާތައް ރޫޅި ވިއްސިވިހާލިވަމުންދާ ކަމުގެ ޝަކުވާ ބޮޑުވެފައިވާކަން ޚުތުބާގައި ބަޔާންކުރިއެވެ. މީގެ އެންމެ ބޮޑު އެއް ސަބަބަކީ ބޮޑުވަމުން އަންނަ ދަރިން ތަރުބިޔަތުކުރެވޭ ގޮތާއި އެ ކުދިންނަށް ދެވޭ ތަޢުލީމު ކަމަށް ޚުތުބާގައި ބުންޏެވެ.

”އިސްލާމް ދީން ޤަބޫލުކުރެއްވުމުން އަލިފާންގަނޑެއްގެ މަތީގައި ހަށިކޮޅު ދެމުމުންވެސް ސާބިތުވެ ހުންނެވި“
23 Oct 2026 ދީން

”އިސްލާމް ދީން ޤަބޫލުކުރެއްވުމުން އަލިފާންގަނޑެއްގެ މަތީގައި ހަށިކޮޅު ދެމުމުންވެސް ސާބިތުވެ ހުންނެވި“

އިސްލާމްދީން ޤަބޫލުކުރެއްވުމުން މައްކާގެ މުޝްރިކުން އަލިފާންގަނޑެއް ރޯކޮށް، އޭގެ މަތީގައި ހަށިކޮޅު ދެމުމުން ވެސް ޞަޙާބީ ޚައްބާބު ބިން އަލްއަރައްތު ރަޟިޔަالله ޢަންހު ދީނުގެ މަތީގައި ސާބިތުވެ ހުންނެވި ޢިބުރަތްތެރި ޙާދިސާ މިއަދުގެ ހުކުރު ޚުތުބާގައި ހަނދާންކޮށްދީފިއެވެ.

ޙަޤީޤީ މުސްލިމުންނަކީ ކޮންމެ ފަދަ ޤުރުބާނީއެއް ވާން ޖެހުނަސް ދީނާއި އަޤީދާގައި ސާބިތުވާ މީހުން: ޚުތުބާ
23 Oct 2026 ދީން

ޙަޤީޤީ މުސްލިމުންނަކީ ކޮންމެ ފަދަ ޤުރުބާނީއެއް ވާން ޖެހުނަސް ދީނާއި އަޤީދާގައި ސާބިތުވާ މީހުން: ޚުތުބާ

ޙަޤީޤީ މުސްލިމަކީ ކޮންމެ ފަދަ ޤުރުބާނީއެއް ވާން ޖެހުނަސް ނުވަތަ ކިތަންމެ ބޮޑު އަނިޔާއެއް ލިބުނަސް، އިސްލާމްދީން ނޫން އެހެން ދީނެއް ނޭދޭނެ މީހެއް ކަމަށާއި، ކޮންމެ ފަދަ ފިތުނައެއް ކުރިމަތިވި ނަމަވެސް އޭނާ ހުންނާނީ ދީނާއި އަޤީދާގައި ސާބިތުވެގެން ކަމަށް މިއަދުގެ ހުކުރު ޚުތުބާގައި ބުނެފިއެވެ.