އިސްރާއީލުން ޣައްޒާގެ މެދުތެރެއަށް ހަމަލާދީ އެތައްބައެއް ޝަހީދު ކޮށްލައިފި

ހައްދު ފަހަނަ އަޅާފައިވާ އިޒްރާއީލުގެ ޔަހޫދީން ޣައްޒާގެ މެދުތެރޭގައި އޮންނަ އަލް-ބުރައިޖް ރެފިއުޖީ ކޭމްޕްގެ އިރުމަތީ އޮންނަ ބޮލޮކް 12 ހުންނަ އަބޫ މަންޒިލް އަބޫ އިޔާދު ނިޝްވާންގެ ގެއައް ދިންހަމަލާގައި އެތައްބައެއް ޝަހީދުވެއްޖެެއެވެ.

މިއަދު މެންދުރު ރާއްޖޭ ގަޑިން 13:25 ހާއިރު ދިން މި ހަމަލާގައި 15 މީހަކު ޝާހީދުވެ، އެތަބައެއް ޒަހަމްވެފައިވާކަމަށް އަލް-ޖަޒީރާއިން ބުނެފައިވެއެވެ.

ފަލަޞްޠީނުގެ ސިވިލް ޑިފެންސްއިން ހާމަކޮށްފައިވާ ގޮތުން މިހަމަލާގައި 2 އަހަރުނުވާ ކުޑަކުއެޖެއްކަމުގައިވާ ޖޯން ޔޫސުފް ޒަޔިނާ ވަނީ ޝަހީދުވެފައެވެ.

އަދި މިއަދު ހެންދުނުން ފެށިގެން މިހާރާ ހަމައައް 31 މީހުން ޝަހީދުކޮށްލާފައިވާ ކަމަށްވެސް އެ ވުޒާރާއިން ވަނީހާމަކޮށްފައެވެ.

މީގެ އިތުރުން މިދިޔަ 24 ގަޑިއިރުތެރޭގައި 4 ގަތުލުއާންމެއް ހިންގައި 22 މީހެއްް ޝަހީދުކޮށްލައި 77 މީހުން ޒަހަމްކޮށްލާަފައިވާ ކަމަށް ފަލަސްޡީނުގެ ހެލްތް މިނިސްޓްރީއިން ވަނީ ހާމަކޮށްފައެވެ.

އަދި މިއަދު ހެދުނުން ފެށިގެ މިހާރާހަމަޔަށް ޣައްޒާގެ އުތުރުން އެކަނިވެސް 12 މީހަކު ޝަހީދު ކޮށްލާފައިވާކަމަށް އެ ވުޒާރާއިން ވަނީހާމަކޮށްފައެވެ.

2023 ވަނަ އަހަރުގެ އޮކްޓޯބަރު 7 ވަނަ ދުވަހުން ފެށިގެން ހައްދުފަހަނައަޅާފައިވާ ޔަހޫދީން، ފަލަސްތީނުގައި ހިންގަމުންދާ ގަތުލުއާއްމުގައި މިއަދާ ހަމައައް 39،699 އަށްވުރެ ގިނަ މީހުން ވަނީ ޝަހީދު ކޮށްލާފައެވެ.

އަދި މި ލާއިންސާނީ އުދުވާނުތަކުގައި 91،722 މީހުން ޒަހަމްކޮށްލާފައިވާކަމަށް ޣައްޒާގެ މިނިސްޓްރީ އޮފް ހެލްތް އިން ވަނީ ހާމަކޮއްފައެވެ.