އީރާނުން ދޭ އިންޒާރުތަކާ ގުޅިގެން އެމެރިކާގެ ޖެޓުތައް މެދުއިރުމައްޗަށް

އީރާނާއި ޔަމަނު، އަދި ލުބުނާނުގެ ހަނގުރާމަވެރި ގުރޫޕްތަކުން އިޒުރޭލަށް ދެމުންދާ އިންޒާރުތަކާ ގުޅިގެން އެމެރިކާގެ ފައިޓަރު ޖެޓުތަކެއް މެދުއިރުމައްޗަށް ފޮނުވައިފި އެވެ.

ހަމާސްގެ ލީޑަރު އިސްމާއިލް ހަނިއްޔާ އީރާނުގައި ހުއްޓާ ޝަހީދު ކޮށްލުމާ ގުޅިގެން އީރާނާއި އިޒްބުﷲ އަދި ހޫޘީން ވަނީ އިޒުރޭލުގެ ވެރިރަށް ތެލްއަވީވަށް ހަމަލާދޭނެ ކަމުގެ އިންޒާރު ދީފަ އެވެ.

އީރާންގެ އިންޒާރުތައް މިހާރު އޮތް ގޮތަށް ދެމިއޮވެއްޖެނަމަ އިތުރު ފައިޓަރު ޖެޓުތައް މެދުއިރުމައްޗަށް ފޮނުވާނެ ކަމަށް ވެސް އެމެރިކާގެ ސެންޓްރަލް ކޮމާންޑް (ސެންޓްކޮމް) އިން ވަނީ ބުނެފައެވެ.

އަދި މީގެ އިތުރުން ސެންޓްރަލް ކޮމާންޑުން ބުނި ގޮތުން އީރާންގެ ކިބައިން އިޒުރޭލު ހިމާޔަތްކުރުމަށް ކުރަންޖުހޭ ގިނަ ތައްޔާރީތައް ވެފައިވާކަމާއި އެމެރިކާގެ ނިއުކްލިއާ ސަބްމެރީންތައްވެސް މިހާރު ވަނީ އެ ސަރަހައްދުގައި ކަމަށްވެސް އެ އިދާރާއިން ވަނީ ހާމަކޮށްފައެވެ.