މުރައިދޫ އާއި ފިނޭ ބައްދަލުކުރިމެޗް ފިނޭއަށް

މުރައިދޫގައި އިއްޔެ ފެށި "މަންތާ އެއާ މުރައިދޫ ވެޓަރަންސް އިންވިޓޭޝަނަލް ވޮލީބޯޅަ މުބާރާތް 2026 ގެ ދެވަނަ މެޗް މުރައިދޫ އާއި ފިނޭ ބައްދަލުކުރިމެޗް ފިނޭ ކާމިޔާބުކޮށްފިއެވެ.

ކުރިން ހީކުރި ގޮތާ ހިލާފަށް މިމެޗް މުރައިދޫގެ މައްޗަށް ފިނޭއިން ކުރި ހޯދީ ސީދާ ތިންސެޓުންނެވެ. މި މެޗްގެ ސެޓްތައް ފިނޭއިން ގެންގޮސްފައިވަނީ ފުރަތަމަ ސެޓް 26-24، ދެވަނަ ސެޓް 25-15 އަދި ތިންވަނަ ސެޓް 25-20 އިންނެވެ.

މިދިޔަ އަހަރުގެ މުބާރާތުގައި ފިނޭއަތުން ބަލިވި ބަލިވުން ހަނދާން ނައްތާލުމަށްފަހު މުރައިދޫއިން ރޭ މެޗަށް ނިކުމެފައިވަނީ ސީދާ މެޗް ކާމިޔާބުކުރަން ނަމަވެސް، މިމެޗްގައި ފިނޭއިން ވަނީ މޮޅަށްކުޅެ މުރައިދޫ އަތުން މޮޅުވުމުގެ ސިލްސިޔާ ދަމަހައްޓާފައެވެ.

މިމެޗްގެ މޮޅު ކުޅުންތެރިޔާގެ މަގާމް ހޯދީ ފިނޭ ޓީމްގެ ޖާޒީ ނަމްބަރު 6 އަފްސީން ފައިސަލް އެވެ.

މުބާރާތުގެ މެޗްތައް މިއަދު ހަވީރާއި މިރޭވެސް ކުރިއަށްދާނެއެވެ. ހަވީރު 16:15 ގައި ކުޅޭ މެޗްގައި ބައްދަލުކުރާނީ ކުޅުދުއްފުއްޓާއި ނޮޅިވަރަމެވެ. ދެވަނަ މެޗްގައި 20:30 ގައި ކުޅޭ މެޗްގައި ބައްދަލުކުރާނީ ބާރަށާއި ދިއްދޫއެވެ.