ޔުއެފާ ޔޫރޯ 2024 ގެ ފައިނަލުގައި މިރޭ އިންގްލޭންޑާއި ސްޕެއިން ވާދަކުރި މެޗުގެ ފަހުވަގުތު ކާމިޔާބުކުރި ލަނޑާއެކު 2-1 ގެ ނަތީޖާއަކުން މޮޅުވެ ސްޕެއިން، ޔޫރަޕްގެ ޗެންޕިއަންކަން ހަތަރުވަނަ ފަހަރަށް ހޯދައިފިއެވެ. މިއާއެކު އެޓީމު ވެގެން ގޮސްފައިވަނީ މިމުބާރާތުގެ އެންމެ ކާމިޔާބު ގައުމަށެވެ.

ބްރެޒިލްގެ ދެވަނަ ޑިވިޝަނުގެ 12 ވަނަ ބުރުގައި ގްރެމިއޯ އަނަޕޮލިސް އާއި ސެންޓްރޯ އޮސްޓޭ ބައްދަލުކުރި މެޗުގެ ތެރެއިން ހިގާދިޔަ ހަމަނުޖެހުމެއްގައި ދަނޑުގެ ސެކިއުރިޓީ ބަލަހައްޓަމުންދިޔަ ފުލުހަކު ގްރެމިއޯ އަނަޕޮލިސްގެ ކުޅުން ތެރިއަކަށް ބަޑިން ހަމަލާދީ ޒަހަމްކޮށްލައިފިއެވެ.

ޖަރުމަނުގައި މިހާރު ކުރިއަށްދާ ޔުއެފާ ޔޫރޯ 2024 ސެމީފައިނަލްގެ ދެވަނަ މެޗުގައި ނެދަލޭންޑްސް ލަނޑެއް ކާމިޔާބުކޮށް ކުރި ހޯދާފައި ވަނިކޮށް ފަހަތުން އަރައި ދެ ލަނޑު ކާމިޔާބުކޮށް 2-1 ގެ ނަތީޖާއަކުން މޮޅުވެ އިންގްލޭންޑް މުބާރާތުގެ ފައިނަލުން ޖާގަ ހޯދައިފިއެވެ.

އެމެރިކާގައި މިހާރު ކުރިއަށްދާ ކޮޕާ އެމެރިކާ 2024 ގެ ސެމީފައިނަލުގެ ފުރަތަމަ މެޗުގައި އެންމެ ފަހުގެ ޗެންޕިއަން އާޖެންޓީނާއި ކެނަޑާ ވާދަކުރި މެޗު 2-0 ގެ ނަތީޖާއަކުން ކާމިޔާބުކޮށް ޖެހިޖެހިގެން ދެވަނަ ފަހަރަށް އާޖެންޓީނާ މުބާރާތުގެ ފައިނަލުން ޖާގަ ހޯދައިފިއެވެ.

ޖަރުމަނުގައި މިހާރު ކުރިއަށްދާ ޔުއެފާ ޔޫރޯ 2024 ގެ ސެމީފައިނަލް ފުރަތަމަ މެޗުގައި އަންގާރަދުވަހުގެ ރޭ 2-1 ގެ ނަތީޖާއަކުން ފްރާންސް ބަލިކޮށް 2012 ވަނަ އަހަރުގެ ފަހުން ފުރަތަމަ ފަހަރަށް ސްޕެއިން މުބާރާތުގެ ފައިނަލުން ޖާގަހޯދައިފިއެވެ.

ޖަރުމަނުގައި މިހާރު ކުރިއަށްދާ ޔުއެފާ ޔޫރޯ 2024 ގެ ކުއާޓާ ފައިނަލުގެ ފަހު މެޗުގައި މޮޅަށްކުޅެ ފަހަތުން އަރައި 2-1 ގެ ނަތީޖާއަކުން ތުރުކީ ބަލިކޮށް 2004 ގެ ފަހުން ނެދަލޭންޑްސް ފުރަތަމަ ފަހަރަށް މުބާރާތުގެ ސެމީ ފައިނަލުން ޖާގަ ހޯދައިފިއެވެ.

ޖަރުމަނުގައި މިހާރު ކުރިއަށްދާ ޔުއެފާ ޔޫރޯ 2024 ގެ ކުއާޓާ ފައިނަލުގެ ތިންވަނަ މެޗުގައި ހޮނިހިރު ދުވަހުގެ ރޭ ސްވިޒަލޭންޑް ބަލިކޮށް އެންމެ ފަހުގެ ރަނަރަޕް އިންގްލޭންޑް މުބާރާތުގެ ދެވަނަ ބުރުން ޖާގަ ހޯދައިފިއެވެ.

ޖަރުމަނުގައި މިހާރު ކުރިއަށްދާ ޔުއެފާ ޔޫރޯ 2024 ގެ ކުއާޓާ ފައިނަލުގެ ފުރަތަމަ މެޗުގައި ސްޕެއިން އާއި ޖަރުމަނު ވާދަކުރި މެޗުގެ 119 ވަނަ މިނެޓުގައި ކާމިޔާބުކުރި ލަނޑާއެކު 2-1 ގެ ނަތީޖައަކުން ބަލިވެ ޖަރުމަނު މުބާރާތުން ކަޓައިފިއެވެ.