އިދިކޮޅު ޕްރޮގްރެސިވް-ކޮންގްރެސް ކޯލިޝަނުގެ ފަރާތުން މިރޭ މާލޭގެ މަގުމަތީގައި ކުރި މުޒާހަރާ ރޫޅާލުމަށް ފުލުހުން ޕެޕަރ ސްޕްރޭގެ ބޭނުންކޮށްފިއެވެ.
މަޖީދީމަގާއި ޗާންދަނީ މަގުގެ ހަތަރު އަނގޮޅި ކަންމަތިން ފެށުނު މި މުޒާހަރާގައި މިރޭ ވަނީ ގިނަ އަދަދެއްގެ ފަރާތްތަކުން ބައިވެރިވެފައެވެ. މި މުޒާހަރާގެ ބައިވެރިން ވަނީ މާލޭގެ އެކިއެކި މަގުތައްމަތީން، ޝުއޫރު ފާޅުކުރަމުން ހިނގާފައެވެ.
އެގޮތުން މި މުޒާހަރާގެ ބައިވެރިން ވަނީ މި ސަރުކާރަށް ފާޑުކިޔައި، ޖަލުހުކުމެއް ތަންފީޒުކުރައްވަމުން ގެންދަވާ ރައީސް ޔާމީން މިނިވަންކުރުމަށް ގޮވާލައްވާފައެވެ.
މި މުޒާހަރާ ރޫޅާލުމުގެ ތެރޭގައި ފުލުހުން ވަނީ ޕެޕަރ ސްޕްރޭ ބޭނުންކޮށްފައެވެ. ޕެޕަރ ސްޕްރޭ ބޭނުންކުރުމުގެ ތެރޭގައި ރައްޔިތުންގެ މަޖިލީހުގެ މާވަށު ދާއިރާގެ މެންބަރު މުހައްމަދު ސައީދު އަނިޔާވެވަޑައިގަތުމުން ދަނީ އޭޑީކޭ ހޮސްޕިޓަލްގައި ފަރުވާ ހޯއްދަވަމުންނެވެ.
ފާހަގަކޮށްލެވޭ ގޮތުގައި މިރޭގެ މުޒާހަރާގެ ތެރެއިން ވަނީ ބައެއް ފަރާތްތަކުން ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.
ފޮޓޯ: ވަގުތު
Advertisement
This content is created and paid for by advertisers and does not involve Voice Journalists
