މިދިޔަ ޖޫން މަހު 180 ކައިވެނި ކޮށްދީފައިވާއިރު ވަރިއާ ގުޅޭ 63 މައްސަލަ ބަލާފައިވާ ކަަމަށް ފެމިލީ ކޯޓްގެ ތަފާސް ހިސާބުތަކުން ދައްކައިފި އެވެ.
އެ ކޯޓުން ރޭ ވަނީ ޖޫން މަހުގެ ތަފާސް ހިސާބުތައް އާންމު ކޮށްފަ އެވެ. އެ ގޮތުން ޖޫން މަހު އެ ކޯޓުން ވަނީ 180 ކާވެނި ކޮށްދީފަ އެވެ. 63 ވަރީގެ މައްސަލަ ނިންމި އެވެ.
ވަރީގެ މައްސަލަތަކަށް ބަލާއިރު ވަރިއާމެދު ޝައްކުވެގެން ހުށައެޅި ތިން މައްސަލަައެއް ހިމެނެ އެވެ. ވަރި ސާބިތުކުރުމަށް ހުށައެޅި 32 މައްސަލައެއް ނިންމާފައިވެ އެވެ. އަދި 26 މައްސަލައެއް ނުނިމިވެ އެވެ. ވަރިކުރުމަށް އެދި 15 މައްސަލައެއް ހުށައެޅި އެވެ. އަދި ވަރިވުމަށް އެދި 61 މައްސަލަ ހުށައެޅިއިރު މިހާރުވެސް ނުނިމި 100 ވުރެ ގިނަ މައްސަލަ އެބަ އޮތެވެ.
ގެވެށި އަނިޔާއާ ގުޅޭ ގިނަ މައްސަލަތަކެއްވެސް މިދިޔަ މަހު ކޯޓުން ބެލި އެވެ.
Advertisement
This content is created and paid for by advertisers and does not involve Voice Journalists
