އެސްޕިރޭޝަން ފޯ އޯލް އިނީޝިއޭޓިވް ސްޕޯޓްސް ކްލަބުން އިންތިޒާމްކުރާ "އޭއޭއައި ބީޗް ވޮލީބޯޅަ ފެސްޓް 2026" ގެ ފުރަތަމަ އެޑިޝަނުގައި ބައިވެރިވުމުގެ ފުރުސަތު ހުޅުވާލައިފިއެވެ.
މިކަމާ ގުޅޭގޮތުން އެ ކްލަބުން ބުނީ މުބާރާތުގައި ބައިވެރިވުމުގެ ފުރުސަތު ހުޅުވާލާފައިވާއިރު، ޖާގަ ދިނުމަށް ހަމަޖެހިފައިވަނީ އެންމެ ފުރަތަމަ ކުރިމަތިލާ 16 ޕެއާއަށެވެ. މިފަހަރުގެ އެޑިޝަން މާލޭ ބީޗް ވޮލީކޯޓުގައި ކުރިއަށްގެންދިއުމަށް ތާވަލްކޮށްފައިވާއިރު، އުމުރުން 16 އަހަރާއި 35 އަހަރުގެ އުމުރުފުރާގެ މީހުންނަށް ބައިވެރިވެވޭނެއެވެ. ބައިވެރިވުމުގެ އެންމެ ފަހު ތާރީހަކީ މިމަހުގެ 15 ވަނަ ދުވަހެވެ.
ބައިވެރިވުމަށް ރަޖިސްޓްރީކުރަންޖެހޭ ލިންކް:
https://docs.google.com/forms/d/e/1FAIpQLSfUZUQz26-qpCDdg2w_wF_qPT3BcdIn6wKoRsyF5k3peqqVJw/viewform
މުބާރާތުގެ ވަނަތަކަށް އަންނަ ޓީމްތަކަށް ފައިސާގެ އިނާމް ހުށަހެޅިފައިވާއިރު އެއްވަނަ ޓީމަށް 10،000 ރުފިޔާ، ދެވަނަ ޓީމަށް 5،000 ރުފިޔާ އަދި ތިންވަނަ ޓީމަށް 3،000 ރުފިޔާ ވަނީ ހުށަހެޅިފައެވެ.
Advertisement
This content is created and paid for by advertisers and does not involve Voice Journalists
