އިސްލާމިކް ޔުނިވަރސިޓީގެ ކުރީގެ ޗާންސެލަރ ޑރ.މުހައްމަދު ޝަހީމް އަލީ ސައީދު އަދާލަތު ޕާޓީއަށް ފާޑުވިދާޅުވެ މަލާމާތުގެ ރާގަކަށް ޓްވީޓްކުރެއްވުމަށްފަހު ފަހުން ޑިލީޓްކުރައްވައިފިއެވެ.
އަދާލަތު ޕާޓީގެ އިސްމެންބަރު އަދި މަޝްހޫރު ދީނީ އިލްމުވެރިޔާ ޑރ.އިޔާޒް އަބްދުއްލަތީފް، ކުރީގެ ރައީސް ޑރ.ވަހީދު ޓެގްކޮށް މިއަދު ކުރެއްވި ޓްވީޓެއްގައި ވިދާޅުވީ ނުރަނގަޅު ރަހުމަތްތެރިންނާ އެކުގައި އުޅެންވުމުން ނުރަނގަޅު ކަންތައް ކުރެވޭނެ ކަމަށެވެ.
އަދި އެކު އުޅޭ ރަހުމަތްތެރިންނަކީ ހެޔޮލަފާ ސާލިހް ބަޔެއްކަމަށް ހަދަންޖެހޭ ކަމަށްވެސް ވިދާޅުވިއެވެ.
މިއާއި އެކު މި ޓްވީޓް ހިއްސާކުރައްވާ ހިނިފުޅުވަޑުވަމުން ޑރ.ޝަހީމް ވަނީ "ރަނގަޅު ރައްޓެހިން؟" ލިޔުއްވައި، ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދާއި އަދާލަތު ޕާޓީގެ މެންބަރުން ބައްދަލުކުރައްވާ ފޮޓޯތަކެއް ޓްވީޓްކުރައްވާފައެވެ. ނަމަވެސް ފަހުން އެބޭފުޅާ ވަނީ އެ ޓްވީޓް ޑިލީޓްކުރައްވާފައެވެ.
Advertisement
This content is created and paid for by advertisers and does not involve Voice Journalists
