ކޮވިޑް-19 ކޭސްތައް ފެނުމާއި ގުޅިގެން ގއ.ދާންދޫ އަދި ވިލިނގިލި މޮނިޓަރިން ހާލަތައް ގެނެސްފިއެވެ.
އެޗްއީއޯސީން މައުލޫމާތު ދިންގޮތުގައި، ވިލިނގިލި އަދި ދާންދޫ މޮނިޓަރިންއަށް ލާފައިވަނީ އެދެރަށުން ކޮވިޑް-19 ގެ ކޭސްތައް ފެނުމާއި ގުޅިގެން ކަމަށެވެ.
އެގޮތުން ދެއްވަދޫގެ ކްލަސްޓާ އާއި ގުޅޭ ކޭސްތައް އެދެރަށުން ފެނުފައިވާކަމަށާއި، މިހާތަނަށް ދާންދޫއިން 1 ޕޮޒިޓިވް ކޭސް ފެނިފައިވާއިރު، ވިލިނގިލިން ވަނީ 2 މީހަކު ޕޮޒިޓިވްވެފައެވެ.
ދެއްވަދޫގެ ކްލަސްޓާ އާއި ގުޅިގެން އެއަތޮޅުގެ ބައެއް ރަށްތައް މޮނިޓަރިންއަށް ލާފައިވާއިރު، މިހާތަނަށް ދެއްވަދޫ އިން 40 މީހަކު ކޮވިޑް-19 އަށް ޕޮޒިޓިވްވެފައިވެއެވެ. ނަމަވެސް ބަލި ރަށުގައި ފެތުރެމުން އަންނަ ސަބަބު މިހާތަނަށްވެސް ހޯދިފައެއް ނުވެއެވެ.
ހަމައެހެންމެ އަލަށް ކޮވިޑް ފެނިފައިވާ ރަށްތަކުގައިވެސް ކޮންޓެކްޓް ޓްރޭސިންގ ހެދުމުގެ މަސައްކަތް ކުރަމުންދާ ކަމަށް އެޗްއީއޯސީ އިން ވަނީ ވިދާޅުވެފައެވެ.
ފޮޓޯ: މީސްމީޑިއާ
Advertisement
This content is created and paid for by advertisers and does not involve Voice Journalists
