އިންޑިއާއަށް ދަތުރުކުރާ ފަރާތްތަކުން “އެއަރ ސުވިދާ” ފޯމު ފުރައިގެން އެއާޕޯޓަށް ދިއުމަށް މޯލްޑިވިއަންއިން އެދިއްޖެއެވެ.
ދިވެހިރާއްޖޭގެ ޤައުމީ އެއާލައިނުން ކުރި ޓްވީޓެއްގައި ބުނީ މި ދުވަސްވަރު އިންޑިޔާއަށް ދަތުރުކުރައްވާ ފަސިންޖަރުން ފުރާ "އެއަރ ސުވިދާ" ފޯމު ފުރައިގެން އެއަރޕޯޓަށް ވަޑައިގަތުމަށް ހުރިހާ ދަތުރުވެރިންނަށް ހަނދާންކޮށްދޭ ކަމަށެވެ.
އެއަރ ސުވިދާ ފޯމަކީ މިދުވަސްވަރު އިންޑިއާއަށް ދަތުރުކުރާ ހުރިހާ ބައިނަލްއަގްވާމީ ފަސިންޖަރުން ފުރުން މަޖުބޫރު ފޯމެކެވެ. މިއީ އިންޑިއާގެ ޔޫނިއަން މިނިސްޓްރީ އޮފް ހެލްތު އެންޑް ފެމިލީ ވެލްފެއަރގެ ބޭނުމަކަށް ފުރަންޖެހޭ ފޯމެކެވެ.
ދިވެހިރާއްޖެއާ އިންޑިއާއާއި ދެމެދު ގާއިމްކޮށްފައިވާ އެއަރ ބަބްލްގެ ދަށުން ބޭސްފަރުވާއާއި އެހެނިހެން ބޭނުންތަކަށް ގިނަ ދިވެހިން ދަނީ އެޤައުމުގެ އެކި ޝަހަރުތަކަށް ދަތުރުކުރަމުންނެވެ. މޯލްޑިވިއަންއަކީ އިންޑިއާގެ ބޮޑެތި ޝަަހަރުތަކަށް ދަތުރުކުރާ އެއާލައިނެކެވެ.
Advertisement
This content is created and paid for by advertisers and does not involve Voice Journalists
