އެލްއެފް ފުޓްސަލް ކަޕް 2021 ހުއްޓުމުން ޑީޖީ މައިމޫނާގެ ގޭގެ ކުރިމަތީގައި ޒުވާނުން އިހުތިޖާޖުކުރަނީ
ހުޅުމާލޭގައި ކުރިއަށްދާ އެލްއެފް ފުޓްސަލް ކަޕް 2021 ފުލުހުން ގޮސް ހުއްޓުވުމުން، ޒުވާނުން އެކަމާއި ނުރުހުން ފާޅުކުރަން ފަށައިފިއެވެ.
އެގޮތުން ހުޅުމާލޭގެ ޒުވާނުންތަކެއް މިވަގުތު ދަނީ ޑިރެކްޓަރ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު ހުޅުމާލޭގައި ދިރިއުޅުއްވާ ފުލެޓު ކުރިމަތީގައި އިހުތިޖާޖްކުރަމުންނެވެ.
މިރޭގެ ވަގުތެއްގައި މި މުބާރާތުގެ ކުޅުން ކުރިއަށް ދަނިކޮށް މުބާރާތް ހުއްޓުވާފައިވަނީ ފުލުހުން ގޮސްގެންނެވެ. މި މުބާރާތުގެ ކުޅުން ހުއްޓުވަން ދިޔަ ފުލުހުން ބުނެފައިވަނީ އެކަންތައް ކޮށްފައިވަނީ އެޗްޕީއޭގެ ގައިޑްލައިންތަކާއި ޚިލާފުވެފައިވާކަމަށް ބުނެއެވެ. އެލްއެފް ފުޓްސަލް ކަޕަކީ ޔޫތު މިނިސްޓްރީ އަދި އެޗްޑީސީ ފަދަ ތަންތަނުގެ އެއްބާރުލުމާއި އެކު ކުރިއަށްދާ މުބާރާތެކެވެ.
ނަމަވެސް މި ދުވަސްވަރު ދިވެހި ލީގުގެ ކުޅުމުގެ އިތުރުން ރަމަޟާން ކްރިކެޓް ކާނިވަލްވެސް ކުރިއަށްދާކަން ފާހަގަކޮށްލެވެއެވެ.
އެލްއެފް ފުޓްސަލް ކަޕްގެ ޗެމްޕިއަން ޓީމަށް 50،000 ރުފިޔާ ދިނުމަށް ވަނީ ހަމަޖެހިފައެވެ. އަދި ރަނަރަޕް ޓީމަށް 25،000 ރުފިޔާވެސް ދޭން ވަނީ ނިންމާފައެވެ.
މި މުބާރާތުގެ އޮފިޝަލް މީޑިޔާ ޕާޓްނަރަކީ "ވޮއިސް" އެވެ.
Advertisement
This content is created and paid for by advertisers and does not involve Voice Journalists