ވެރިކަން ކުރާ މައި ޕާޓީ، އެމްޑީޕީ ހަލާކުވެދަނީ އަމިއްލައަށް ކަމަށާއި، މިކަމަށްޓަކައި އިދިިކޮޅެއް ބޭނުން ނުވާ ކަމަށް ރައްޔިތުންގެ މަޖިލީހުގެ ފޭދޫ ދާއިރާގެ މެންބަރު މުޙައްމަދު ނިހާދު ވިދާޅުވެއްޖެއެވެ.
ނިހާދު މިހެން ވިދާޅުވެފައިވަނީ، އެކި ކަންކަމުގައި އެމްޑީޕީގެ ތެރޭގައި ޚިޔާލު ތަފާތުވުންތައް އުފެދިފައިވާ ދަނޑިވަޅެއްގައި ކުރެއްވި ޓްވީޓެއްގައެވެ. އެގޮތުން އެކި ފަރާތްތަކަށް ލިބުނު ގެއްލުމުގެ ބަދަލު ދިނުމުގެ މަސައްކަތް ކުރިއަށްދާއިރު، މަޖިލީހުގެ ރައީސް މުޙައްމަދު ނަޝީދުގެ ފެކްޝަން މިކަމާއި ދެކޮޅަށެވެ. މިކަމުގެ ދިފާޢުގައި ވާހަކަ ދައްކަނީ، ރައީސް އިބްރާހީމް މުޙައްމަދު ޞާލިޙުގެ ފެކްޝަނުންނެވެ.
ރައީސް ނަޝީދު، ރާއްޖޭގެ ވެރިކަމުގެ ނިޒާމު، ބަރުލަމާނީ ނިޒާމަކަށް ބަދަލު ކުރައްވަން ބޭނުންފުޅުވާ ކަމަށް ވިދާޅުވެ، އެވާހަކަ ރައީސް ޞާލިޙުއާއި މެސެޖަކުން ވަނީ ހިއްސާ ކުރައްވައިފައެވެ. މިއާއިއެކު، އެމްޑީޕީގެ ތެރޭގައި ޚިޔާލުތަފާތުވުންތައް އުފެދިގެން ގޮސްފައިވެއެވެ.
Advertisement
This content is created and paid for by advertisers and does not involve Voice Journalists
