ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ) ގެ ޤައުމީ މަޖިލީހުގެ ޖަލްސާއެއް މިރޭ ބާއްވާގޮތަށް ހަމަޖެހިއްޖެއެވެ.
މި ޖަލްސާއަކީ، ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދަށް އަމާޒުކޮށް ދިން ޓެރަރިސްޓް ހަމަލާއާއި ގުޅިގެން، އެމްޑީޕީގެ ޤައުމީ މަޖިލީހަށް ހުށަހަޅާފައިވާ "މެއި ހައެއް ގަރާރު" އަށް ގޮތެއް ނިންމުމަށް ބާއްވާ ބައްދަލުވުމެކެވެ.
މިރޭ 9:00 ގައި އޮންލައިންކޮށް ކުރިޔަށް ގެންދާ މި ބައްދަލުވުމުގައި ރައީސް ނަޝީދަށް ދިން ބޮމުގެ ހަމަލާގައި ބައިވެރިވި މީހުންނާއި، ޚަރަދުކުރި މީހުންނާއި އަދި ހިތްވަރުދީ ވާގިވެރިވި މީހުން ޤާނޫނީ އިމުގެ ކުރިމައްޗަށް ގެނައުން ލަސްވާތީ އެކަން ބެލުމަށާއި ހަމަލާ ހިނގި ގޮތް ސާފުކުރުމާއި ގުޅޭގޮތުން މަޝްވަރާ ކުރާނެއެވެ.
އެ ހާދިސާއަށްފަހު ފުލުހުން ހިންގަމުން ގެންދާ އޮޕަރޭޝަންތަކުގައި، މިހާތަނަށް 14 މީހަކު ހައްޔަރުކޮށްފައިވެއެވެ. އަދި 150އަށްވުރެ ގިނަ ފަރާތްތަކުން ތަޙުޤީޤަށް މަޢުލޫމާތު ހޯދާފައިވާކަމަށާއި، 25 އަށްވުރެ ގިނަ ތަންތަން ބަލާފާސްކުރެވިފައިވާ ކަމަށް ފުލުހުން މީގެ ކުރިންވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
