ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދަށް އަމާޒުކޮށް ދެވުނު ޓެރަރިސްޓް ހަމަލާއަށްފަހު ފުލުހުން ހިންގި އެންޓި-ޓެރަރިޒަމް އޮޕަރޭޝަންތަކުގައި ހައްޔަރުކުރި ތިން މީހަކު ކޯޓުން ދޫކޮށްލައިފިއެވެ.
މި ތިން މީހުންގެ ބަންދުގެ މުއްދަތާއި މެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން އެމީހުން ބަންދުން ދޫކޮށްލިކަން ފުލުހުންވެސް ވަނީ ކަށަވަރުކޮށްދީފައެވެ. ފުލުހުން ބުނިގޮތުގައި ރައީސް ނަޝީދަށް ދެވުނު ހަމަލާއާއި ގުޅުންހުރި މީހަކު ބަންދުން ދޫކޮށްފައެއް ނުވެއެވެ.
ނަމަވެސް ބަންދުން ދޫކޮށްފައިވަނީ ހަރުކަށި ފިކުރާއި ދެކޮޅަށް ފުލުހުން ހިންގި އޮޕަރޭޝަންތަކުގައި ހައްޔަރުކުރި ބަޔަކު ކަމަށް ފުލުހުން މަޢުލޫމާތުދެއެވެ.
މި މީހުން ބަންދުން ދޫކޮށްލުމަށް ފެންނަކަމަށް އަމުރުކުރައްވާފައިވަނީ ކްރިމިނަލް ކޯޓުގެ ގާޟީ ޙަސަން ސަޢީދެވެ. މި މީހުން ބަންދުން ދޫކޮށްލި މައްސަލަ ހައިކޯޓުގައި އިސްތިއުނާފުކުރުމަށް ޕްރޮސެކިއުޓަރ ޖެނެރަލްގެ އޮފީހުން ވަނީ ނިންމާފައެވެ.
Advertisement
This content is created and paid for by advertisers and does not involve Voice Journalists
