މި ސަރުކާރާއިއެކު ޤައުމު ދިޔައީ 5 އަހަރު ފަހަތަށްކަމަށް ތިމަރަފުށީ ދާއިރާގެ ކުރީގެ މެމްބަރު މުޙައްމަދު މުސްޠަފާ ވިދާޅުވެއްޖެއެވެ.
މިސަރުކާރަށް ވަރަށްބޮޑަށް ފާޑުވިދާޅުވެ ކުރެއްވި ޓްވީޓެއްގައި މުސްޠަފާ ވިދާޅުވީ މި ސަރުކާރާއި މެދު ދެރަވެ ލަދުގަންނަ ކަމަށެވެ.
ރައީސް ޞާލިޙް އަށް އެއްވެސް އެއްޗެއް އެނގިވަޑައިން ނުގަންނަވާ ކަމަށް ދޭހަވާ މޭރުމަކުން ކުރެއްވި ޓްވީޓްގައި އޭނާ ވިދާޅުވީ މިސަރުކާރު އައުމާއިއެކު ޤައުމު ވަނީ 5 އަހަރު ފަހަތަށް ގޮސްފައި ކަމަށެވެ.
މީގެ ކުރިން ވެރިކަން ކުރެއްވީ ކޮންމެވެސް އެއްޗެއް ދަންނަ ބައެއްކަމަށާއި ރައީސް ޞާލިޙްއަށް އެއްވެސް އެއްޗެއް އެނގިނުލައްވާ ކަމަށް އޭނާގެ ޓްވީޓްގައި ވިދާޅުވިއެވެ.
ފާހަގަކޮށްލެވޭ ގޮތުގައި މުސްޠަފާ މީގެ ކުރިން މިސަރުކާރަށް ވަރަށް ތާއީދުކުރެއްވިއެވެ.
އެހެންނަމަވެސް މިފަހަކަށް އައިސް އެމްޑީޕީ އާއި ސަރުކާރުހިންގާ ކޯލިޝަނަށްވެސް މުސްޠަފާ އަންނަނީ ފާޑު ވިދާޅުވަމުންނެވެ.
އެގޮތުން ވެރިކަންކުރާ ކޯލިޝަންގައި ހިމެނޭ ޖުމްހޫރީ ޕާޓީގެ ލީޑަރަށާއި އެޕާޓީއަށްވެސް މުސްޠަފާ އަންނަނީ ފާޑުވިދާޅުވަމުންނެވެ. މުސްޠަފާގެ އިތުރުން އެމްޑީޕީގައި ގިނަދުވަހު މަސައްކަތް ކުރެއްވި ބައެއް ފަރާތްތަކަކުން އަންނަނީ މިސަރުކާރަށް ފާޑުކިޔައި ރައީސް ޞާލިޙްގެ އިސްތިއުފާއަށް ގޮވަމުންކަން ފާހަގަ ކޮށްލެވެއެވެ.
Advertisement
This content is created and paid for by advertisers and does not involve Voice Journalists
