‏ރައީސުލްޖުމްހޫރިއްޔާ ‎އިބުރާހިމް މުހައްމަދު ޞާލިހު ރަސްމީ ދަތުރުފުޅެއްގައި މުލަކު އަތޮޅުގެ ބައެއް ރަށްތަކަށް ޒިޔާރަށްކުރައްވަން ހަމަޖެހިއްޖެއެވެ.

ރައީސް އޮފީހުގެ އިސް ތަރުޖަމާނު މުހައްމަދު މިއުވާން ކުރެއްވި ޓުވީޓެއްގައި ވިދާޅުވީ، މި އޮގަސްޓު 27 އިން 29 އަށް މުލަކަތޮޅުގެ 5 ރަށަކަށް ރައީސް ޞާލިހު ވަޑައިގެންނެވުމަށް  ހަމަޖެހިފައިވާކަމަށެވެ.

އެގޮތުން މި ދަރުތުފުޅުގައި ވަޑައިގެންނެވުމަށް ހަމަޖެހިފައިވާ ރަށްތަކަކީ، ރަތްމަންދޫ އާއި، މަޑުއްވަރި އާއި، ދިއްގަރާއި، ވޭވަށް އަދި މުލި އަށް ކަމަށްވެސް އޭނާ ވިދާޅުވިއެވެ.

Advertisement

ރައީސް ޞާލިހުގެ މި ދަތުރުފުޅުގައި މި ރަށްތަކުގައި ސަރުކާރުން ހިނގަމުންދާ މަޝްރޫޢުތައް ކުރިއަށްދާ ގޮތް އެ މަނިކުފާނު ބައްލަވާލައްވާނެ ކަމަށް މިއުވާން ވިދާޅުވިއެވެ. އަދި މީގެ އިތުރުން ދިއްގަރު ގޮނޑުދޮށް ހިމާޔަތްކުރުމުގެ މަޝްރޫޢު ނިންމުމުގެ ރަސްމިއްޔާތާއި ވޭވަށު ބަނދަރާއި އިންޖީނުގެ ހުޅުވުމުގެ ރަސްމިއްޔާތުގައިވެސް ބައިވެރިވެ ވަޑައިގަތުމަށް ހަމަޖެހިފައިވާކަން އޭނާ ފާހަގަކުރެއްވިއެވެ.