މޫނު ބުރުގާ އަޅައިގެން މަގުމަތިން ހިނގާފައި ދިޔަ މީހެއްގެ މޫނު ފޮތިކޮޅު (ނިޤާބް) އަށް ދަމައި އޭނާއަށް ފުރައްސާރަ ކުރި މައްސަލައެއް ފެންމަތިވެއްޖެ އެވެ.
ރޭ އިރާކޮޅު ހިނގި މިހާދިސާ އާއި ގުޅިގެން އެ އެމައްސަލަ ކުރިމަތިވި މީހާ ކުރި ޓުވީޓެއްގައި ވަނީ އެކަން ހިނގައި ދިޔަގޮތް ކިޔައިދީފައެވެ.
އެގޮތުން އޭނާ ކުރި ޓްވީޓެއްގައި ބުނީ ރޭ އޭނާ ގެއަށް ދިޔަ މަގުމަތީ ފިރިހެނަކު އަންހެން މީހާގެ ބުރުގާގައި ހިފައި ދަމައިގަތުމަށްފަހު "ނިންޖާ"އޭ ކިޔާ އޭނާއާ ދިމާއަށް ހަޅޭއްލެވި ކަމަށްވެސް އެމީހާ ބުނެފައިވެއެވެ. އަދި އެ ހާދިސާ ހިނގީ މަޖީދީ މަގުގައި ކަމަށްވެސް އޭނާ ބުނެފައިވެއެވެ.
"އަހަރެން ގެއަށް އައި މަގުމަތީ، މަޖީދީ މަގުމަތިން ފިރިހެނަކު އަހަރެންނާ ދިމާއަށް 'ނިންޖާ' އޭ ކިޔައި ހަޅޭލަވައި ގަނެފައި، އަހަރެންގެ ނިޤާބަށް ދަމައި ގަތީ." އަންހެން މީހާ ބުނެފައިވެއެވެ.
މަގުމަތިން ހިނގާފައިދާ މީހުންނަށް ފޮށުން މިހާރު އާއްމު ކަމަކަށް ވެފައިވާއިރު, ނިގާބު އަޅައިގެން ނުވަތަ ތުނބުޅި ދިގު ކޮށްފައި ތިބޭ މީހުންނަށް އެކި ނަންނަމުން ގޮވައި ކުރާ ފުރައްސާރައަކީ ވެސް މިވަނީ ހިތާމަކުރާ މިންވަރަށް އިތުރު ވެފައެވެ.
Advertisement
This content is created and paid for by advertisers and does not involve Voice Journalists
