ލ. އަތޮޅު ގަން ރީޖަނަލް ހޮސްޕިޓަލު ޓާޝަރީ ފެންވަރަށް ތަރައްގީ ކުރުމާއި، ގދ. ގައްދޫގައި ހޮސްޕިޓަލެއް އަޅަން ސްޕެއިން ކުންފުންޏަކާއެކު އެއްބަސްވުމެއްގައި ސޮއިކޮށްފިއެވެ.
ހެލްތް މިނިސްޓްރީން ރޭ ކުރި ޓްވީޓެއްގައި ބުނީ، ގަން ރީޖަނަލް ހޮސްޕިޓަލު ޓާޝަރީ ފެންވަރަށް ތަރައްގީ ކުރުމާއި، ގދ. ގައްދޫގައި ހޮސްޕިޓަލެއް އަޅަން އެ މިނިސްޓްރީ އާއި ސްޕެއިންގެ އެޗްއޯއެމްޓީ އެސްޕަނާ ކުންފުންޏާއެކު އެއްބަސްވުމަކަށް އާދެވިފައިވާ ކަމަށެވެ.
އަދި މި މަޝްރޫއުތަކާއެކު އަތޮޅު ތެރޭގައި ކްރިޓިކަލް ސާވިސް ކަށަވަރު ވެގެން ދާނެ ކަމަށްވެސް އެ މިނިސްޓްރީން ބުނެފައިވެއެވެ.
ޑޯޝް ބޭންކުގެ ލޯނުގެ ދަށުން ލ.ގަމުގައި އެޅުމަށް ހަމަޖެހިފައިވަނީ 100 އެނދުގެ ޓާޝިއަރީ ހޮސްޕިޓަލެއް ކަމަށާ، އަދި ގދ.ގައްދޫގައި އެޅުމަށް ހަމަޖެހިފައިވަނީ 30 އެނދުގެ ހޮސްޕިޓަލެއް ކަމަށް މީގެކުރިން ހެލްތް މިނިސްޓްރީން ބުނެފައިވެއެވެ. އެގޮތުން ގަމުގައި އިމާރާތްކުރަން ނިންމާފައިވާ ޓާޝިއަރީ ހޮސްޕިޓަލު އެޅުމަށް 18 މިލިއަން ރުފިޔާ ހަރަދުވާނެ ކަމަށް ބަޖެޓުގައިވެ އެވެ.
Advertisement
This content is created and paid for by advertisers and does not involve Voice Journalists
