މިނިސްޓްރީ އޮފް ޑިފެންސްގެ ޑައިރެކްޓޮރޭޓް އޮފް އޭވިއޭޝަން ސެކިއުރިޓީ އެޑްމިނިސްޓްރޭޝަން ( ޑާސާ) އިން ކުރަމުންގެންދާ މަސައްކަތުގެ ތެރެއިން ރީޖަނަލް އެއަރޕޯޓްސް ކޮމްޕެނީ ލިމިޓެޑު (އާރުއޭސީއެލް) އިން ހިންގަމުންއަންނަ 4 އެއަރ ޕޯޓެއްގައި ބެހެއްޓި މެޝިންތަކުގެ ބޭނުންކުރުމުގެ ހުއްދަދީފިއެވެ.

އާރުއޭސީއެލް އިން ބުނީ، ދިވެހިރާއްޖޭގެ އޭވިއޭޝަން ސެކިއުރިޓީ ކަންކަން ހަރުދަނާ ކުރުމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހް ކަނޑައަޅުއްވާފައިވާ ސިޔާސަތާއި އެއްގޮތަށް މިނިސްޓަރ އޮފް ޑިފެންސް އަލްއުސްތާޛާ މާރިޔާ އަހުމަދު ދީދީގެ ސީދާ ބެއްލެވުމުގެ ދަށުން މިނިސްޓްރީ އޮފް ޑިފެންސްގެ ޑައިރެކްޓޮރޭޓް އޮފް އޭވިއޭޝަން ސެކިއުރިޓީ އެޑްމިނިސްޓްރޭޝަން ( ޑާސާ) އިން ކުރަމުންގެންދާ މަސައްކަތުގެ ތެރެއިން އެ ކުންފުނިން ހިންގަމުންއަންނަ 4 އެއަރ ޕޯޓެއްގައި ބެހެއްޓިމެޝިންތައް ބޭނުންކުރުމުގެ ހުއްދަދީފައިވާ ކަމަށެވެ.

އާރްއޭސީއެލްގެ އެއާޕޯރޓްސް ތަކުގައި އަލަށް ބޭނުން ކުރަންފެށި މެޝިން--ފޮޓޯ: އާރްއޭސީއެލް

އެގޮތުން އަލަށް މެޝިންތައް ބަހައްޓާފައިވަނީ، ހދ.ކުޅުދުއްފުށީ އެއަރޕޯޓް، ށ. ފުނަދޫ އެއަރޕޯޓް، ޏ.ފުވައްމުލައް އެއަރޕޯޓު، އަދި ގދ. މާވަރުލު އެއަރޕޯޓުގައި ކަމަށް އާރުއޭސީއެލް އިން ބުނެއެވެ.

އަދި އަލަށް ބެހެއްޓި މެޝިންތަކާއެކު އާރ.އޭ.ސީ.އެލް އިން ބޭނުން ކުރަމުން އަންނަ ހުރިހާ އެއަރޕޯޓެއް ގައި ބޭނުންކުރާ ސްކްރީނިން މެޝިންތަކަކީ މިނިސްޓްރީ އޮފް ޑިފެންސްގެ ޑައިރެކްޓޮރޭޓް އޮފް އޭވިއޭޝަން ސެކިއުރިޓީ އެޑްމިނިސްޓްރޭޝަން (ޑާސާ) އިން އެކުލަވާލާފައިވާ "މޯލްޑިވްސް އޭވިއޭޝަން ސެކިއުރިޓީ ސްކްރީނިންގ ޓެކްނޮލޮޖީ" ލިސްޓްގައި ހިމެނޭ އެކްސްރޭ މެޝިންތަކެއް ކަންވެސް އެ ކުންފުނިން ފާހަގަކޮށްފައިވެއެވެ.

އާރ.އޭ.ސީ.އެލް އިން 4 އެއަރޕޯޓްގައި ބެހެއްޓި މެޝިންތަކަކީވެސް ރެޕިސްކޭން ބްރޭންޑްގެ މެޝިން ތަކެކެވެ. އަދި އެބްރޭންޑްގެއޮތޮރައިޒްޑް ސަރވިސް ޕްރޮވައިޑަރއަކީވެސް އާރ.އޭ.ސީ.އެލް އެވެ. އެއާއެކު ސްކްރީނިން މެޝިންތަކަށް ދިމާވާ މައްސަލަތަކަށްއަވަސް ހައްލެއް ލިބިގެންދާއެވެ.

އާރްއޭސީއެލް އިން ބުނީ މި ސްކްރީނިން މެޝިންތަކުގެ މައްސަލަ ހައްލުވެގެން ދިއުމަކީ ކުންފުންޏާއި ރައްޔިތުންވެސް ގިނަ ދުވަސްތަކެއް ވަންދެން އުފުލަމުންއައި ތަކްލީފުތަކަށް ނިމުން އައިސް ދަތުރުފަތުރުކުރާ ފަރާތަކަށް އިތުރު ލުއިފަސޭހަތަކެއް ލިބިގެންދާނެ ކަމެއް ކަމަށެވެ.