މަކަރު ހަދައި އޮޅުވާލާ އަދި ހަވާލުކުރި މަސައްކަތް ތާރީހުގައި ނުނިންމި 11 ކުންފުންޏެއް ފިނޭންސް މިނިސްޓްރީން ސަސްޕެންޑްކޮށްފި އެވެ.

ފިނޭންސް މިނިސްޓްރީން މިދިޔަ ބުރާސްފަތި ދުވަހު އާއްމުކުރި ސަސްޕެންޑު ކުރި ކުންފުނިތަކުގައި ލިސްޓްގައި ވާގޮތުން ގިނަ ކުންފުނިތައް ސަރުކާރުގެ މަސައްކަތްތަކުން ސަސްޕެންޑްކޮށްފައި ވަނީ އަހަރެއްހާ ދުވަހަށެވެ. އަދި ބައެއް ކުންފުނިތައް ތިން މަސް ނުވަތަ ހަ މަހަށް ވެސް ސަސްޕެންޑްކޮށްފައި އެބަހުއްޓެވެ. 

ފިނޭންސް މިނިސްޓްރީން އާންމުކުރި ސަސްޕެންޑްކުރި ކުންފުނިތަކުގައި ލިސްޓްގައި ހިމަނާފައިވާ ކުންފުނިތަކަކީ:
1- ގުޑް ވޯކްސް މޯލްޑިވްސް - މެރިން ރިސާޗު ސެންޓަރުގެ ސެކިއުރިޓީ ބެލެހެއްޓުމުގެ މަސައްކަތް އެއްބަސްވުމާ އެއް ގޮތަށް ނުކުރުން
2- މާރިސް - ނ. އަތޮޅު މަދަރުސާގެ ކްލާސް ރޫމްގެ މަސައްކަތް ނުކުރެވުން
3- ވިންކް މޯލްޑިވްސް - ރައީސް އޮފީހަށް ވޭނެއް ގަތުމުގެ ބިޑްގައި އޮޅުވާލުމުގެ ކަންތައްތަކެއް ހިންގުން 
4- ޓޮމީ އިންޖިނިއަރިން - ރައީސް އޮފީހަށް ވޭނެއް ގަތުމުގެ ބިޑްގައި އޮޅުވާލުމުގެ ކަންތައްތަކެއް
5- ޓީއެންޑީބީ އިންޖިނިއަރިން - ރައީސް އޮފީހަށް ވޭނެއް ގަތުމުގެ ބިޑްގައި އޮޅުވާލުމުގެ ކަންތައްތަކެއް ހިންގުން
6- ވޯޓާޕާކް މޯލްޑިވްސް - ރ. އުގޫފާރާއި ވ. ކޮޔޮދޫ ސްކޫލްގައި މަލްޓި ޕާޕޯސް ހޯލެއް އެޅުމުގެ މަސައްކަތް ނުކުރެވުން
7- އެސްބްރޯ މޯލްޑިވްސް - ވ. ރަކީދޫ ސްކޫލް ތަރައްގީގެ މަސައްކަތް ނުނިންމުން؛ ލ. ގަން މުގުރިމަގު ސްކޫލް އޮފީސް އިމާރާތް ނުނިންމުން 
8- ކޭއެސްއޭ މޯލްޑިވްސް - ހުޅުމާލޭ ހޮސްޕިޓަލް ފޮޅައި ސާފްކުރުމުގެ ބިޑަށް ވަގު ލިޔުމެއް ހުށަހެޅުން
9- އެސްޓޮނިސް ކްލީނިން ކޮމްޕެނީ - ހުޅުމާލޭ ހޮސްޕިޓަލް ފޮޅައި ސާފްކުރުމުގެ ބިޑަށް ވަގު ލިޔުމެއް ހުށަހެޅުން
10- މޫވް އެކްސް - ށ. މިލަންދޫ ކައުންސިލަށް ކުނި ނަގާ ޓްރެކްތައް ހޯދައިނުދެވުން
11- އެލްއެފް ކޮންސްޓްރަކްޝަން - ށ. ފޯކައިދޫ ކޮމިއުނިޓީ ސެންޓަރުގެ މަސައްކަތް ނުނިންމުން