ރައްޔިތުން މަޖިލީހުގެ މާމިގިލި ދާއިރާގެ މެންބަރު, އަދި ވިލާ ކުންފުނީގެ ވެރިޔާ ގާސިމް އިބްރާހީމް ޤާނޫނު އަސާސީއަށް ހުށައަޅުއްވާފައިވާ އިސްލާޙު އަނބުރާ ގެންދެވުމަށް މަޖިލީހުގެ މެޖޯރިޓީ ލީޑަރު އަދި ހިތަދޫ އުތުރު ދާއިރާގެ މެންބަރު މުހައްމަދު އަސްލަމް އެދިވަޑައިގެންފިއެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި ގާސިމް އިބްރާހީމް ހުށަހެޅުއްވި ބިލުގެ އިބްތިދާއީ ބަހުސްގައި އަސްލަމް ވިދާޅުވީ މީގެ ކުރިން ވެސް ދާއިރާތަކަށް މެމްބަރުންގެ އަދަދުތައް ބެހިފައި އޮތް މައްސަަލަތައް ދިމާވި ކަމަށާއި އަދި ފަހުން 87 ދާއިރާ ކަނޑައެޅީ ވެސް ކުރިން އިދާރީ ދާއިރާތައް ކަނޑައެޅިފައި އޮތީ އިންސާފުން ނޫން ކަން ފާހަގަ ކުރެވިގެން ކަމަށެެވެ. އަސްލަމް ވިދާޅުވީ، އެއިސްލާހު އެގޮތަށް ފާސްކޮށްފި ނަމަ ބައެއް ދާއިރާތަކުގެ މެންބަރުން މަދުވާނެ ކަމަށެވެ.

އަސްލަމް ވިދާޅުވީ، މިހާރު އޮތް ގޮތަށް ބަލާލާއިރުވެސް، ވ.އަތޮޅުގައި އޮތް ދެދާއިރާގައި 5000 މެންބަރުން ހަމަނުވާނެއެވެ. އެހެެން ކަމުން ގާސިމް ހުށަހެޅުއްވި ގޮތަށް ގާނޫނު އިސްލާހުކުރުމަކީ ކުރެވޭނެ ކަމެއް ނޫން ކަމަށްވެސް އަސްލަމް ވިދާޅުވިއެވެ.

Advertisement

"މިސާލަަކަށް ވ. އަތޮޅުގައި އަޅުގަނޑަށް މައުލޫމާތު ލިބިފައިވާ ގޮތުގައި މިހާރު އަދަދަށް ބަލާ ކަމުގައިވާ ނަމަ 5،000 ހަމަ ނުވާ ކަމުގައިވާ ނަމަ އެއް ގޮނޑިތޯ އެ ދާއިރާއަށް ދޭނީ. މިހާރު ދެ ގޮނޑި އޮއްވައި އެއް ގޮނޑިއަށް ބަދަލުވާނީތޯ. ބައެއް ތަންތަނަށް އިތުރުވާނީތޯ މަދުވާނީތޯ 87 ގައި ފިކްސްވާ އިރު. އެއީ ވިސްނާލަން ޖެހޭ ކަމެއް ކަމުގައި އަޅުގަނޑު ދެކެން" އަސްލަމް ވިދާޅުވި އެވެ.

ރައްޔިތުންގެ މަޖިލީހުގެ މެމްބަރުންގެ އަދަދު 87 ގައި ހިފެހެއްޓުމަށް ޖުމްހޫރީ ޕާޓީގެ ލީޑަރު އަދި މާމިގިލި ދާއިރާގެ މެމްބަރު ގާސިމް އިބްރާހިމް، ޤާނޫނު އަސާސީ އިސްލާހުކުރަން ހުށަހަޅާފައިވާއިރު، ރައީސުލްޖުމްހޫރިއްޔާ، އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދުވެސް ވަނީ މި ބިލަށް ތާއީދުކުރައްވާފައެވެ.