ބަޔަކަށް ބަލަން އުނދަގޫވިޔަސް އިސްލާމީ ހެޔޮވެރިކަމެއްގެ ސިފަތައް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ މި ވެރިކަމުން ވަރަށް ރަނގަޅަށް ފެންނަމުންދާ ކަމަށް ރައްޔިތުންގެ މަޖިލީހުގެ އިހަވަންދޫ ދާއިރާގެ އެމްޑީޕީ މެންބަރު މުހައްމަދު ޝިފާއު ވިދާޅުވެއްޖެ އެވެ.
ޝިފާއު މިފަދައިން ވިދާޅުވެފައި ވަނީ، ރައީސް ޞާލިހުގެ މި ވެރިކަމަށް ތައުރީފް ކުރައްވައި، ހޯމް މިނިސްޓަރ އިމްރާން ރޭ ކުރެއްވި ޓުވީޓާއި ގުޅިގެން ގިނަބައެއްގެ ފާޑުކިޔުންތައް އިމްރާނަށް އަމާޒު ވެފައިވަނިކޮށް އެ ފަރާތްތަކަށް ރައްދު ދެއްވަމުން ކުރެއްވި ޓުވީޓެއްގައެވެ.
އެގޮތުން އިމްރާންގެ އެ ޓްވީޓަށް އަމާޒުވަމުން ދިޔަ ފަޑުކިޔުންތަކަށް ރައްދު ދެއްވަމުން ޝިފާއު ވިދާޅުވީ ބައެއް ބޭފުޅުންނަށް ބަލަން އުނދަގޫވިޔަސް އިސްލާމީ ހެޔޮ ވެރިކަމެއްގެ ސިފަ ރައީސް ސޯލިހްގެ ވެރިކަމުން ކިތަންމެ ރަނގަޅަށް ވެސް ފެންނަމުންދާ ކަމަށެވެ.
"ރައީސް ޔާމީންގެ ވެރިކަން އެސިފަތަކާއި ބީރައްޓެހި ވުމަކީ ދިވެހި ރައްޔިތުންގެ ކުށެއް ނޫން." ޝިފާއު ވިދާޅުވިއެވެ.
ލ. ގަމުގައި ކުރިއަށް ދިޔަ "ވިއަވަތި ރާއްޖެ" ކޮންފަރެންސްގައި ވާހަކަފުޅުދައްކަވަމުން ރައީސުލްޖުމުހުރިއްޔާ އިބްރާހިމް މުހައްމަދު ޞާލިހް ކުރައްވަނީ ކީރިތި ޤުރުއާންގައި ބަޔާންކުރައްވާފައިވާ ފަދަ ހެޔޮ ވެރިކަމެއްކަމަށް އިމްރާން ވިދާޅުވުމާއި ގުޅިގެން ގިނަ ބައެއްގެ ފާޑުކިޔުންތައް އޭނާއަށް އަމާޒުވެފައިވަނިކޮށް އެ ވާހަތަކުގެ ދިފާއުގައި ރޭގައި ޢިމްރާން ކުރެއްވި ޓުވީޓުގައި ވަނީ ރައީސް ޞާލިހާއި ކުރީގެ ރައީސް އަދި އިދިކޮޅު ކޯލިޝަންގެ ލީޑަރ ރައީސް ޔާމީން އަބްދުލްގައްޔޫމް އާއި އަޅާކިޔުއްވައި، ރައީސް ޞާލިހަށް ތައުރީފް ކުރައްވާފައެވެ.
އެގޮތުން ޢިމްރާން ވިދާޅުވީ، ބައެއް ބޭފުޅުންނަށް ގަބޫލުކުރަން ކިތަންމެ ދަތިވި ކަމުގައިވިޔަސް، ރައީސް ޞާލިހުގެ ކިބައިގައި މަޝްވަރާ ކުރުމުގެ އަޚްލާގު ހުރި މިންވަރަށް، ރައީސް ޔާމީންގެ ކިބައިގައި އެ އަޚްލާގު ނެތް ކަމީ އެ ދެ ބޭފުޅުން ރަނގަޅަށް ދަންނަ އެންމެންވެސް ދަންނަ ހަގީގަތެއް ކަމަށެވެ.
Advertisement
This content is created and paid for by advertisers and does not involve Voice Journalists
