ގޯތި ދިނުމުގައި މާލޭ މީހުން ކަނޑައަޅާ މިންގަނޑަށް ލުޔެއް ގެނެސްފި!
މާލޭގެ ރައްޔިތުންނަށް އަމާޒުކޮށްގެން ހިންގާ ބިންވެރިޔާ ސްކީމްގެ ދަށުން ގޯތި ދިނުމުގައި މާލޭ މީހުން ކަނޑައަޅާ މިންގަނޑަށް ލުޔެއް ގެނެސްފިއެވެ.
މާލެ ސަރަހައްދުގެ ހުޅުމާލެ އާއި ގުޅީފަޅުން ހިލޭ ހިންގާ މި ސްކީމްގެ ދަށުން ކުރިން މާލެ މީހެއްގެ ގޮތުގައި ބަލަމުން ގޮސްފައިވަނީ އެއްވެސް އިރެއްގައި މާލެ ފިޔަވައި އެހެން ތަނެއްގައި ރަޖިސްޓްރީވެފައި ނުވާ މީހުންނެވެ.
ނަމަވެސް ގެނެވުނު އިސްލާހާއި އެކު ސަރުކާރުން ކަނޑައެޅި އުސޫލެއް ނުވަތަ ގަވާއިދެއްގެ ސަބަބުން ކުރިން އެހެން ތަނެއްގައި ކުރިން ރަޖިސްޓްރީވެފައި އޮތަސް، އެ މީހެއްގެ މަންމަ ނުވަތަ ބައްޕައަކީ މާލޭ މީހެއް ކަމަށްވާ ނަމަ އަދި އެ މީހަކު މިހާރު އަނެއްކާވެސް މާލޭގައި ރަޖިސްޓްރީވެފައިވާނަމަ އެ މީހަކީ މާލޭ މީހެއް ކަމަށް ބެލެވޭނެއެވެ.
މި ސްކީމްގެ ދަށުން ގޯއްޗަށް ކުރިމަތި ލުމުގެ ފުރުސަތު މި މަހުގެ 26 ވަނަ ދުވަހުގެ ނިޔަލަށް ހަމަވާއިރު މި ސްކީމް އަށް ގިނަ ފާޑު ކިޔުން ތަކެއް އަމާޒުވަމުންދާކަން ފާހަގަ ކޮށްލެވެއެވެ.
އެގޮތުން ވެރިކަން ކުރާ މާލޭގެ ސަރަހައްދުން ހަމައެކަނި މާލޭގެ ރައްޔިތުންނަށް ހިލޭ ބިން ލިބުމަކީ ބޭއިންސާފެއް ކަމަށް ބުނެ ސޯޝަލް މީޑިއާގައި ވެސް ބައެއް ފަރާތްތަކުން ދަނީ އަޑު އުފުލަމުންނެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
