މާލޭގެ ކޮންސްޓްރަކްޝަން ސައިޓަކުން ވެއްޓުނު ތޫނު ދަގަނޑު ގަނޑެއް ބިދޭސީ ފިރިހެނެއްގެ މޫނަށް ހެރި، އަނިޔާއެއް މިއަދު ލިބިއްޖެއެވެ.
ފުލުހުން ބުނީ، ހެންވޭރުަގއި ހަދަމުންދިޔަ އިމާރާތެއްގެ މައްޗަސް ދަގަނޑުތަކެއް އަރުވަނިކޮށް ދަގަނޑެއް ވެއްޓި މީހެއްގެ މޫނަށް ހެރި ޒަޚަމްތަކެއް ލިބިފައިވާ ކަމަށެވެ. އެހެން ނަމަވެސް ލިބުނު ޒަޚަމްތަކުގެ ތަފްސީލެއް ފުލުހުން ދީފައެއް ނުވެއެވެ.
މި މައުލޫމާތު ލިބިފައިވަނީ މިއަދު 11:28 ހާއިރު ކަމަށްވެސް ފުލުހުން ވަނީ މައުލޫމާތު ދީފައެވެ. އަނިޔާ ލިބިފައިވަނީ ބިދޭސީ ފިރިހެނަކަށެވެ.
ފުލުހުން ބުނީ އެމީހާއަށް އޭޑީކޭ ހޮސްޕިޓަލަށް ގެންގޮސް ފަރުވާދެމުންދާ ކަމަށެވެ.
މިކަމާއި ގުޅިގެން ބަލަމުން އަންނަ ކަންކަން ބަލަމުން އަންނަ ކަމަށްވެސް ފުލުހުން މައުލޫމާތު ދީފައި ވެއެވެ.
Advertisement
This content is created and paid for by advertisers and does not involve Voice Journalists
