މިއަހަރުގެ މޯލްޑިވްސް އެކައުންޓްސް ފޯރަމްގެ މެއިން ސްޕޮންސަރަކަށް އެސްޓީއޯ ހަމަޖައްސައިފިއެވެ.
އަންނަ މަހުގެ 29 އިން 30 އަށް ކުރިއަށް ގެންދާ މި ފޯރަމަކީ އިންސްޓިޓިއުޓް އޮފް ޗާޓަރޑް އެކައުންޓެންޓްސް އޮފް ދަ މޯލްޑިވްސް (ސީއޭ މޯލްޑިވްސް ) އިން އިންތިޒާމްކޮށްގެން ކޮންމެ އަހަރަކު ބާއްވަމުންދާ ފޯރަމެކެވެ.
ސްޕޮންސަރުންނާއިއެކު ސޮއިކުރުމަށް ބޭއްވި ރަސްމިއްޔާތުގައި ކޯރ ސްޕޮންސަރުންގެ ގޮތުގައި ހަމަޖައްސާފައިވަނީ ދިރާގު، މޯލްޑިވްސް ޓްރާންސްޕޯޓު އެންޑް ކޮންޓްރެކްޓިންގ ކޮމްޕެނީ އަދި ޕެންޝަން އޮފީހެވެ. މި ފޯރަމްގެ ބޭންކިންގ ޕާރޓްނަރ އަކަށް ހަމަޖެހިފައިވަނީ ބޭންކް އޮފް މޯލްޑިވްސްއެވެ.
މޯލްޑިވްސް އެކައުންޓްސް ފޯރަމްގެ ތީމްއަކީ "އިކޮނޮމިކް ޓްރާންސްފޮމޭޝަން -ރީތިންކިންގ ގްރޯތު އިން ދަ ނިއު އިކޮނޮމީ" އެވެ. ސީއޭ މޯލްޑިވްސްއިން ބުނީ މިއަހަރުގެ ފޯރަމް ބިނާވެގެންދާނީ، އެކައުންޓިންގ އަދި އޮޑިޓިންގ ދާއިރާއަށް އަންނަމުންދާ ބަދަލުތަކަށް އަހުލުވެރިކޮށް މި ފަންނުގެ މަސްލަހަތުވެރިންގެ މެދުގައި ޢިލްމާއި ތަޖުރިބާ ޙިއްސާކުރުމަށްކަމަށެވެ.
މި ފޯރަމްގައި އޭޝިއާ ރީޖަންގެ ޗާރޓަރޑް އެކައުންޓިންގ އިސްޓިޓިއުޓްގެ އިސްވެރިންގެ އިތުރުން، އެކައުންޓިން އާއި ވިޔަފާރީގެ އެކި ދާއިރާތަކުގެ ތަޖުރިބާކާރު ފަންނުވެރިންގެ ބައިވެރިވާނެ އެވެ.
Advertisement
This content is created and paid for by advertisers and does not involve Voice Journalists
