ADS BY STATE TRADING ORGANISATION PLC LTD

ލޭގެ ޕްރެޝަރު މައްޗަށް ދޭތަ؟ މިއޮތީ ބައެއް ޙައްލު!

- 3 weeks ago 0 - ޝިފާ ހުސައިން

ލޭގެ ޕްރެޝަރު މަތިވުމަކީ ދުނިޔޭގެ އެތައް މިލިއަން މީހުންނަށް ކުރިމަތިވާ ޞިއްޙީ މައްސަލައެކެވެ.

ލޭގެ ޕްރެޝަރު މާބޮޑަށް މަތިވެއްޖެނަމަ، ސްޓްރޯކް ޖެހުމާއި ހާޓް އެޓޭކް ޖެހުން ފަދަ އެތައް މައްސަލައެއް ކުރިމަތިވުމުގެ ބިރު އެބައޮތެވެ. އެހެންކަމުން ލޭގެ ޕްރެޝަރު ދަށް ކުރުމަށްޓަކައި ކުރެވިދާނެ މުހިންމު ކަންކަމަށް އިސްކަން ދިނުން މުހިންމެވެ. މި ލިޔުމުގައި މި ހިމަނާލަނީ އެގޮތުން ކުރެވިދާނެ ބައެއް ކަންކަމެވެ.

ކަސްރަތު ކުރުން: ދުޅަހެޔޮ ޞިއްޙަތެއްގައި ހުރުމަށްޓަކައި ގަވާއިދުން ކަސްރަތު ކުރުމަކީ ކޮންމެ މީހަކަށްވެސް ކުރެވިދާނެ ވަރަށް މުހިންމު ކަމެކެވެ. ލޭގެ ޕްރެޝަރު ދަށްކުރުމަށްޓަކައިވެސް ގަވާއިދުން ކަސްރަތު ކުރުމުގެ މުހިންމުކަން ބޮޑެވެ.

ސޯޑިއަމް މަދުކުރުން: ގިނަ ދިރާސާތަކުން ހާމަވާ ގޮތުގައި، ހަށިގަނޑަށް ސޯޑިއަމް އެތެރެ ކުރުން ގިނަ ކުރުމަކީ ލޭގެ ޕްރެޝަރު މަތިވާ ކަމެކެވެ. ލޭގެ ޕްރެޝަރު ދަށް ކުރުމަށް ނޫނަސް، ލޮނު ގިނަ، އަދި ތައްޔާރީ ކާނާ ގިނައިން ކެއުމަކީ ޞިއްޙަތަށް ގެއްލުން ދެނިވި ކަމެއް ކަމަށް ޞިއްހީ މާހިރުން ބުނެއެވެ.

ޕޮޓޭސިއަމް ހިމެނޭ ކާނާ ކެއުން އިތުރު ކުރުން: ލޭގެ ޕްރެޝަރު މަތިވުމުގެ މައްސަލަ ދިމާވާ މީހުންނަށް ޕޮޓޭސިއަމް ގިނަ ކާނާ ކެއުމަށް ޞިއްޙީ މާހިރުން ލަފާދެއެވެ. އެގޮތުން ފެހިކަން ގަދަ ފަތާއި، މެލަން، ދޮންކެޔޮ، އެވޮކާޑޯ، އަލުވި، ޓޮމާޓޯ އަދި ޔޯގަޓް ހިމެނެއެވެ.

ދުންފަތުގެ އިސްތިއުމާލު ކުރުން ހުއްޓާލުން: ދުންފަތުގެ އިސްތިއުމާލު ކުރުމަކީ އެއްވެސް ހާލެއްގައި ތިބާގެ ޞިއްޙަތަށް ފައިދާއެއް ލިބޭނެ ކަމެއް ނޫނެވެ. ވަކިން ޚާއްޞަކޮށް، ލޭގެ ޕްރެޝަރު މަތިވުމުގެ މައްސަލައެއް ދިމާވާނަމަ، މިކަން އަވަހަށް ހުއްޓައިލުން ބުއްދިވެރިއެެވެ.

.

25%

25%

50%

ADS BY COCA COLA
0 ކޮމެންޓް

ހަބަރު