ADS BY PIZZA KITCHEN

ދުނިޔޭގެ ފުޓުބޯޅައިގެ ލަނޑު ލިސްޓުގެ އެއްވަނަ ރޮނާލްޑޯއަށް

- 2 weeks ago 0 - މުހައްމަދު ޝާން

ޤައުމީ ޓީމަށް އެންމެ ގިނަ ލަނޑު ޖަހައިގެން ދުނިޔޭގެ ފުޓުބޯޅައިގެ ލަނޑު ލިސްޓުގެ އެއްވަނަައަށް ޕޯޗުގަލްގެ ކްރިސްޓިއާނޯ ރޮނާލްޑޯ ހޯދައިފިއެވެ.

މި ރެކޯޑު ކުރިން އޮތީ މިހާރު 52 އަހަރު ވެފައިވާ އީރާނުގެ ލެޖެންޑް އަލީ ދާއީ އަތުގައެވެ. 2006 ގައި ކުޅުން ހުއްޓާލި އަލީ ދާއީ ވަނީ އީރާން ގައުމީ ޓީމަށް ކުޅެދިން 149 މެޗުން 109 ލަނޑު ޖަހާފައެވެ.

ކްރިސްޓިއާނޯ ރޮނާލްޑޯ މި ރެކޯޑު މުގުރާލީ ފީފާ ވޯލްޑް ކަޕުގެ ޔޫރަޕިއަން ކޮލިފައިންގައި އަޔަލެންޑާ އަތުން 2-1 އިން ޕޯޗުގަލް މޮޅުވި މެޗުގައެވެ. މި މެޗުގައި އުމުރުން 36 އަހަރުގެ ރޮނާލްޑޯ ވަނީ ފަހަތުން އަރާ ދެ ލަނޑު ޖަހާ ޓީމު މޮޅުކޮށްދީފައެވެ.

ރޮނާލްޑޮ މި ރިކޯޑު މުގުރާލީ 180 މެޗުންނެވެ. ރޮނާލްޑޯ މިހާތަނަށް ޕޯޗުގަލަށް ޖަހައިދިން ލަނޑުތަކުގެ ޖުމުލަ އަދަދު ވަނީ 111 އަށް އަރާފައެވެ.

އަޔަލޭންޑް އަތުން ޕޯޗުގަލް މޮޅުވި މެޗުގައި އެ ޓީމުން މޮޅު ކުޅުމެއް ދައްކާފައިވާއިރު މެޗުގެ ކުރީކޮޅު ރޮނާލްޑޯއަށް ވަނީ ލީޑު ނަގަން ޕެނަލްޓީއެއް ލިބި ބޭކާރުވެފައެވެ. އެގޮތުން މެޗުގެ 15 ވަނަ މިނެޓުގައި ރޮނާލްޑޯ ފޮނުވާލި ޕެނަލްޓީ އަޔަލޭންޑުގެ ގޯލްކީޕަރު ވަނީ ދިފާއުކޮށްފައެވެ.

ފުރަތަމަ ހާފު ނިމުމުގެ ކުރިން އަޔަލެންޑުން ލީޑު ނެގިއެވެ. ފުރަތަމަ ހާފުގެ ފަހުކޮޅު ލިބުނު ކޯނަރަކުން މި ލަނޑު އެ ޓީމަށް ކާމިޔާބުކޮށްދިނީ ޖޯން އީގަންއެވެ.  ޕޯޗުގަލުން ކޮޅަށް ނަތީޖާ އަނބުރާލީ ދެވަނަ ހާފުގެ ފަހުކޮޅުއެވެ. މެޗު ނިމެން މިނެޓަކަށް ވެފައި ވަނިކޮށް ގޮންކާލޯ ގުއެޑެސް ނަގައިދިން ހުރަހަކުން ރޮނާލްޑޯ ނަތީޖާ ހަމަހަމަކޮށްދިން އިރު މެޗުގެ އިތުރު ވަގުތުގައި ޑިއޯގޯ ޖޮޓާގެ އެހީއާއެކު ރޮނާލްޑޯ ވަނީ މެޗުން މޮޅުކޮށްދީފައެވެ.

100%

0%

0%

ADS BY COCA COLA
0 ކޮމެންޓް

ހަބަރު