މަސްވެރިންނަށް ވީ ވައުދުތައް މި ސަރުކާރުން ނުފުއްދާތީ އިދިކޮޅުން ކުރިއަށް ގެންދިޔަ މިޒާހަރާގެ ތެރެއިން 4 މީހުން ހައްޔަރުކޮށްފިއެެވެ. 

އިދިކޮޅުން މުޒާހަރާ ފަށާފައިވަނީ މިރޭ 9:00 ގައި ޕީޕީއެމް އޮފީސް ދޮރުމަތިންނެެވެ. 

ގިނަ އަދަދެއްގެ ޒުވާނުން ބައިވެރިވި އެ މުޒާހަރާ ފެށުނުތާ މާގިނައިރެއް ނުވަނީސް މުޒާހަރާ ރޫޅާލުމަށް ފުލުހުން ވަނީ މަސައްކަތްކޮށްފައެވެ. އެގޮތުން ޕީޕީއެމްގެ 4 ޒުވާނުން ހައްޔަރުކޮށްފައިވާކަން އިދިކޮޅުން ވަނީ ހާމަކޮށްފައެވެ. 

Advertisement

މިރޭގެ މުޒާހަރާ ރޫޅާލުމަށްވެސް ފުލުހުން ހާލަތާއި ނުބައްދަލު ބާރުގެ ބޭނުންކޮށްފައިވާކަން ފާހަގަކުރެވެއެވެ. 

މަސްވެރިންގެ ހައްގުތަށް ކަށަވަރުކޮށްދިނުމަށް ގޮވާލާ އިދިކޮޅުން ދަނީ ސިލްސިލާގޮތެއްގައި މުޒާހަރާކުރަމުންނެވެ. އެގޮތުން މި ހަފްތާގައި އިދިކޮޅުން ވަނީ މާލޭ މާރުކޭޓު ސަރަހއްދުގައިވެސް އެފަދަ މުޒާހަރާއެއް ކުރިއަށް ގެންގޮސްފައެވެ. 

އެ ދުވަހުގެ މުޒާހަރާވެސް ފުލުހުން ބާރުގެ ބޭނުންކޮށްގެން ރޫޅާލާފައިވާއިރު، މުޒާހަރާގެ ބައިވެރިންނަށް ބޮޑެތި އަނިޔާތަކެއް ދީފައިވާކަން ފާހަގަކޮށްލެވެއެވެ.