Advertisement
މި ދައުރު ނިމޭއިރު އިތުރަށް ފޯރުކޮށްދޭން ޖެހޭ އަސާސީ ޚިދުމަތެއް ނޯންނާނެ: ތަރުޖަމާނު
ރައީސް އިބްރާހިމް މުހައްމަދު ސޯލިހުގެ ވެރިކަމުގެ ފަސް އަހަރު ނިމޭއިރު އަސާސީގޮތުން ގާއިމްކޮށްދޭން ޖެހޭ ޚިދުމަތެއް ނޯންނާނެކަމަށް ރައީސް އޮފީހުގެ ތަރުޖަމާނު މިއުވާން މުހައްމަދު ވިދާޅުވެއްޖެއެވެ.
މިއުވާން މިފަދައިން ވިދާޅުވެފައިވަނީ ރައީސް އޮފީހުން މިއަދު ބޭއްވި ޕްރެސް ކޮންފަރެންސްގައި ކުރީގެ ރައީސް ޔާމީން އަބްދުލްގައްޔޫމަށް ނުސީދާ ފާޑުކިޔުންތަކެއް އަމާޒުކުރައްވާ ވާހަކަދައްކަވަމުންނެވެ.
އެގޮތުން މިއުވާން ވިދާޅުވީ ރައީސް ޔާމިންއަށް ވެރިކަން ލިބިވަޑައިގަތުމުން އަތޮޅުތެރޭގެ ރައްޔިތުންނަށް ކޮށްދެއްވަންޖެހޭ ކަންކަން ނުކޮށްދެއްވާ އޮތުމަކީ ބޮޑު ކަންބޮޑުވުމެއްގެ ގޮތުގައި ރައްޔިތުން ފާހަގަކުރާކަމަށެވެ. އަދި އެމަނިކުފާނުގެ ވެރިކަމުގައި މަސައްކަތްޕުޅު ކުރެއްވީ މާލެ ސަރަހައްދު ތަރައްގީކުރުމަށްކަމަށް މިއުވާން ވިދާޅުވިއެވެ.
Advertisement
މިއުވާން ވިދާޅުވީ ކުރީ ސަރުކާރާއި ޚިލާފަށް މި ސަރުކާރުގެ ސިޔާސަތަކީ ލާމަރުކަޒީ ނިޒާމެއްގެ ތެރެއިން ވެރިކަން ކުރުން ކަމަށެވެ. އެގޮތުން ރައީސް ސޯލިހު އަމާޒަކީ ރާއްޖޭގެ މީހުން ދިރިއުޅޭ ހުރިހާ ރަށެއްގައި ފެނާއި ނަރުދަމާގެ އިތުރުން އަސާސީ ޚިދުމަތްތައް ގާއިމްކުރުންކަމަށް އޭނާ ވިދާޅުވިއެވެ.
"ރައީސް ޔާމީން އިހަވަނދޫއަށް ވަޑައިގެން ވިދާޅުވި އައިސް ޕާލަމްޓް، ބަނދަރުގެ ވާހަކަ. މިހާރުވެސް އެމަސައްކަތް އެރަށުގައި އެބަހިނގާ. ރަށްރަށް ވަޑައިގެން މާލޭގެ މަންޒަރު ފެންނަ ފޮޓޯއެއް ޖައްސަވައިގެން ވައުދުތައް ވަމުންދާއިރު އަޅުގަނޑުމެން މިސަރުކާރުގެ މިދައުރު ނިމޭއިރު ރަށްތަށުގެ އަސާސީ ޚިދުމަތްތައް އިތުރު ދައުރެއްގައި ކުރައްވަން ނުޖެހޭ ވަރަށް އަޅުގަނޑުމެން ކަންކަން ނިންމާނަން"
ރައީސް އޮފީހުގެ ތަރުޖަނާމު މިއުވާން
މިއުވާން އިތުރަށް ވިދާޅުވީ މި ސަރުކާރުން އެންމެ ބޮޑަށް އިސްކަމެއް ދެނީ އެއްވެސް ތަފާތުކުރުމެއް ނެތި ހުރިހާ ރައްޔިތުންނަށް ހަމަހަމަ ގޮތެއްގައި ޚިދުމަތް ދިނުމަށްކަމަށެވެ. އާބާދީގެ ބޮޑު ކުޑަ މިނަށް ނުބަލައި މިހާރުވެސް ސަރުކާރުން ޚިދުމަތް ފޯރުކޮށްދެމުންދާކަން މިއުވާނު ވަނީ ފާހަގަކުރައްވާފައެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
