ކުރީގެ ރައީސް އަދި އިދިކޮޅު ރިޔާސީ ކެންޑިޑޭޓް ރައީސް ޔާމީން އަބްދުލްގައްޔޫމް އައްޑު އަތޮޅަށް ކުރައްވާ ދަތުރުފުޅުގެ ތެރެއިން ފުރަތަަމަ މަންޒިލް ފޭދޫ އަށް ވަޑައިގެންފިއެވެ.
ރައީސް ޔާމީން އަށް މަރުހަބާ ކިޔުމަށް ފޭދޫގެ ޕީޕީއެމަށް ނިސްބަތްވާ ގިނަބަޔަކު ވަނީ ޕީޕީއެމް ދިދަ ހިފައިގެން އެއްވެފައެވެ. އެ އެންމެނާއި ރައީސް ޔާމީން ވަނީ ސަލާމް ކުރައްވާފައިވާއިރު، ބައެއް ފިއްތުންތަކާއި ގުޅިގެން އެމަނިކުފާނަށް ތާއީދު ކުރައްވާ ފަރާތްތަކަށް މަރުހަބާ ދަންނަވަން ނާދެވޭ ކަމަށްވެސް ޕީޕީއެމްގެ ނާއިބު ރައީސް ޣައްސާން މައުމޫން ފާހަގަކުރެއްވިއެވެ.
ރައީސް ޔާމީން އަށް މަރުހަބާ ކިޔަން ފޭދޫ ސަޕޯޓަރުން އެއްވެ-- ފޮޓޯ: ޕީޕީއެމް
މިއަދުން ފެށިގެން މިމަހު 9 އަކަށް ރައީސް ޔާމީން އައްޑޫ ސިޓީގެ ރަށްރަށަށް ވަޑައިގަންނަވާ އިރު މި ދަތުރުފުޅުގައި އެ ސިޓީގެ ހުރިހާ ރަށަކަށް އެމަނިކުފާނު ވަޑައިގަންނަވާނެކަމަށް ޕީޕީއެމުން ބުނެއެވެ.
ރައީސް ޔާމީން އައްޑޫ ސިޓީއަށް ކުރައްވާ މި ދަތުރުފުޅުގައި އައްޑޫ ސިޓީގެ ރައްޔިތުންނާއި ބައްދަލުކުރައްވައި، ރަށްރަށުގައި އޮތް ޕީޕީއެމްގެ ސްޓިއަރިން ކޮމެޓީތަކާއި، ކައުންސިލްތަކާއިވެސް ބައްދަލުކުރެއްވުމަށް ވަނީ ނިންމަވާފައެވެ.
ރައީސް ޔާމީން އައްޑޫ ސިޓީއަށް ކުރައްވާ މި ފަތުރުފުޅަކީ ޕީޕީއެމްގެ ރިޔާސީ ޓިކެޓު ލިބިވަޑައިގެންނެވުމަށްފަހު އަތޮޅުތެރެއަށް ކުރައްވާ 4 ވަނަ ދަތުރުފުޅެވެ.
އެމަނިކުފާނު އަތޮޅުތެރެއަށް ކުރައްވާ ދަތުރުފުޅުތަކުގެ މައިގަނޑު މަގްސަދަކީ ރައްޔިތުންގެ ހާލު ބެއްލެވުމާއި، ރައްޔިތުންނަށް ބޭނުން ޖެހިފައިވާ ކަންކަން ބައްލަވާލެއްވުން ކަމަށް އިދިކޮޅުން ބުނެއެވެ. އޭގެ އިތުރުން ކުރިއަށް އޮތް ރިޔާސީ އިންތިޚާބަށް ޕީޕީއެމުން ތައްޔާރުކުރާ މެނިފެސްޓޯއަށް މައުލޫމާތު އެއްކުރުމާއި ރައްޔިތުންގެ ޚިޔާލު ހޯއްދެވުމަކީވެސް އެމަނިކުފާނުގެ ދަތުރުފުޅުގަކުގެ މަގްސަދުތަކުގެ ތެރޭގައި ހިމެނޭ މުހިންމު ކަންކަން ކަަމަށް ބުނެފައިވެއެވެ.
Advertisement
This content is created and paid for by advertisers and does not involve Voice Journalists
