ޕީޕީއެމްއިން ދާއިރާތަކުގެ ރައީސުން ހޮވުމަށް ކުރިއަސް ގެންދިޔަ އިންތިޚާބުގައި ތޮއްޑޫ ދާއިރާގެ ރައީސްކަމަށް ހަސަން މޫސާ އަދި ނާއިބު ރައީސް އަކަށް އަހުމަދު ވަހީދު އިންތިހާބު ވެއްޖެއެވެ. 

ޕީޕީއެމްގެ ތޮއްޑޫ ދާއިރާގެ ރައީސް ކަމަށާ ނައިބު ރައީސް ކަމަށް ދެ ފަރާތަކުން ކުރިމަތިލާފައިވެއެވެ. އެގޮތުން ރައީސް ކަމަށް ހަސަންގެ އިތުރުން ދެން ކުރިމަތިލީ އިމާދެވެ. އަދި ނައިބް ރައީސްކަމަށް ވަހީދުގެ އިތުރުން ކުރިމަތިލީ ޒުމާމެވެ. 

ވަގުތީ ނަތީޖައަށް ބަލައިރު އިންތިޚާބުގައި ހަސަން މޫސާއަށް 431 ވޯޓު ލިބިފައިވާއިރު، އޭނާ އާއި ވާދަކުރެއްވި އިނާދަށް ލިބިފައިވަނީ 123 ވޯޓެވެ. އަދި ނައިބް ރައީސްކަމަށް ކުރިމަތިލެއްވި އަހުމަދު ވަހީދަށް 347 ވޯޓް ލިބިފައިވާއިރު ޒުމާމް އަށް ލިބުނީ 203 ވޯޓެވެ. އެއާއެކު ހަސަން އާއި އަހުމަދަށް މިވަނީ ތޮއްޑޫ ދާއިރާގެ ރައީސްކަމާއި ނައިބު ރައީސް ކަމުގެ ގޮނޑި ކަށަވަރުވެފައެވެ. 

Advertisement

ދާއިރާ ރައީސުން ހޮވުމަށް އިދިކޮޅުން ބޭއްވި އިންތިޚާބަށް ވަރަށް ބޮޑު ތަރުހީބެއް ލިބިފައިވާކަން އިދިކޮޅުން ފާހަގަކުރެއެވެ. އެއާއެކު ދާއިރާ ރައީސުންނާއެކު ޕީޕީއެމްގެ މަސައްކަތްތައް މިހާރަށްވުރެ ހަރުދަނާ ކުރެވޭނެ ކަމަށާއި، އަދި މި އިންތިޚާބަކީ ކުރިއަށް އޮތް ރިޔާސީ އިންތިޚާބު ކާމިޔާބުކުރުމަށް ވަރަށް ބޮޑު ބާރެއް ލިބިގެންދާނެ އިންތިޚާބެއްކަމަށް އިދިކޮޅުން ވަނީ ބުނެފައެވެ.