ޕީޕީއެމް/ޕީއެންސީގެ ދާއިރާތަކުގެ އިންތިހާބުގައި ކެލާ ދާއިރާގެ ރައީސަކަށް ކޯލިޝަންގެ ސެނެޓްގައި ހިމެނިވަޑައިގަންނަވާ އަހުމަދު ގާލިބް އަދި ނައިބު ރައީސަކަށް ހުސެއިން ޝިފާޒް (ޖޯރޭ) އިންތިހާބުވެއްޖެއެވެ.
ވަގުތީ ނަތީޖައަށް ބަލާއިރު އިންތިޚާބުގައި ގާލިބް އަށް ލިބުނީ 239 ވޯޓެވެ. އަދި އޭނާއާ ވާދަކުރެއްވި އާދަމް ފާޒިލް އަށް ލިބިވަޑައިގެންނެވީ 225 ވޯޓެވެ. އެއާއެކު ގާލިބް އަށް މިވަނީ ރައީސް ކަމުގެ ގޮނޑި ކަށަވަރުވެފައެވެ.
ކެލާ ދާއިރާގެ ނައިބު ރައީސަކަށް ޝިފާޒް އިންތިހާބު ވެވަޑައިގެންނެވީ ވޯޓަކަށް ނުގޮހެވެ. އެއީ ނައިބު ރައީސް ކަމަށް ޝިފާޒް ފިޔަވައި އިތުރު ބޭފުޅަކު ކުރިމަތިލައްވާފައި ނުވާތީއެވެ.
ދާއިރާ ރައީސުން ހޮވުމަށް އިދިކޮޅުން ބޭއްވި އިންތިޚާބަށް ވަރަށް ބޮޑު ތަރުހީބެއް ލިބިފައިވާކަން އިދިކޮޅުން ފާހަގަކުރެއެވެ. އެއާއެކު ދާއިރާ ރައީސުންނާއެކު ޕީޕީއެމްގެ މަސައްކަތްތައް މިހާރަށްވުރެ ހަރުދަނާ ކުރެވޭނެ ކަމަށާއި، އަދި މި އިންތިޚާބަކީ ކުރިއަށް އޮތް ރިޔާސީ އިންތިޚާބު ކާމިޔާބުކުރުމަށް ވަރަށް ބޮޑު ބާރެއް ލިބިގެންދާނެ އިންތިޚާބެއްކަމަށް އިދިކޮޅުން ވަނީ ބުނެފައެވެ.
ތިން އަހަރުގެ ދައުރަކަށް ޕީޕީއެމް/ޕީއެންސީން ބާއްވާ އެތެރޭގެ އިންތިހާބުގައި ހޮވާނީ ޕީޕީއެމް/ޕީއެންސީން 87 ދާއިރާގެ ރައީސުންނާއި ޕީޕީއެމް/ޕީއެންސީން 87 ދާއިރާގެ ނައިބު ރައީސުންނާއި ކޮންމެ ރަށަކުން ޒުވާނުން ގޮފީގެ ރައީސްއަކާއި ކޮންމެ ރަށަކުން ޒުވާނުން އަންހެނުންގެ ގޮފީގެ ރައީސްއެވެ.
Advertisement
This content is created and paid for by advertisers and does not involve Voice Journalists
