އަރަބިއްޔާ އާއި ގުޅިގެން ހުރި ކަންބޮޑުވުންތައް އެޑިއުކޭޝަން މިނިސްޓަރު ޑރ. އައިޝަތު އަލީއާ ހިއްސާ ކުރަން އަރަބިއްޔާގެ ބެލެނިވެރިން މިއަދު ދިއުމުން ފުލުހުން ގޮސް މިނިސްޓްރީގެ އޮފީސް ތެރެއިން ބެލެނިވެރިން ނެރެފި އެވެ.
އަރަބިއްޔާ ބެލެނިވެރިން ބުނެފައިވާ ގޮތުގައި، އެ ސުކޫލުގެ ބެލެނިވެރިން އެޑިޔުކޭޝަން މިނިސްޓަރާއި ބައްދަލުކުރުމަށް އެދޭތާ ގާތްގަނޑަކަށް ދެތިން ހަފްތާ ވެއްޖެއެވެ. އެހެން ނަމަވެސް މިނިސްޓަރު ބިޒީ ވެގެން އެކަން ނުވެފައިވާއިރު، މިއަދު ބައްދަލު ކުރަންދިޔަ ބެލެނިވެރިންގެ ހުރިހާ ކަންބޮޑުވުންތައް މިނިސްޓްރީއާއި ހިއްސާ ނުކުރެވެނީސް ފުލުހުން އައިސް ވަނީ ބެލެނިވެރިންތައް މިނިސްޓްރީން ބޭރުކޮށްފައެވެ.
އަރަބިއްޔާ ސުކޫލާއި ގުޅިގެން އެ ސުކޫލުގެ ބެލެނިވެރިންގެ ގިނަ ކަންބޮޑުވުންތަކެއް ހުއްޓައި، އިއްޔެގެ ވަގުތެއްގައި އެޑިޔުކޭޝަން މިނިސްޓްރީން ވަނީ އެ ސުކޫލުގެ ހިންގުން ރަނގަޅު ކުރުމަށް ކަމަށް ބުނެ، ކުރިން ހުރި ޕްރިންސިޕަލް ވެސް ބަދަލު ކޮށްފައެވެ. އެކަމާއި ގުޅިގެން ނުރުހުން ފާޅުކޮށް، އެ ސުކޫލުގެ ކުރީގެ ޕްރިންސިޕަލް ޝުޖާއުއާއި ސުކޫލް ހިންގުން ހަވާލު ކުރުމަށް ގޮވާލައި ރެއާއި މިއަދު ވެސް ބެލެނިވެރިން ވަނީ އިހްތިޖާޖު ކޮށްފައެވެ.
އަދި މި އިހްތިޖާޖު ގެ ތެރެއިން ރައީސް އޮފީހަށް އެ ސުކޫލު ބެލެނިވެރިން ލާފައިވާ ސިޓީގެ ޖަވާބު ހޯދުމަށް ރައީސް އޮފީހަށް ވަންނަންވެސް ބެލެނިވެރިން ވަނީ މަސައްކަތް ކޮށްފައެވެ. އެހެންނަމަވެސް ފުލުހުން ވަނީ ބެލެނިވެރިން ހުއްޓުވާފައެވެ.
Advertisement
This content is created and paid for by advertisers and does not involve Voice Journalists
