މިއަދު ދުނިޔޭގެ އެކި ކަންކޮޅުތަކަށް ފެންނަ ބޮޑު ހަނދު ކޭތަ، ރާއްޖެއަށްވެސް ފެންނާނެކަމަށް ފަލަކީ ހިސާބު ތަކުން ދައްކައިފިއެވެ.
މިއަދު ހިފާ ހަނދުކޭތަ 5 ގަޑިއިރާ 54 މިނެޓަށް ދިގު ފެނިގެންދާއިރު، މި ކޭތަ އެންމެ ފުރަތަަމަ ހިފަން ފަށާނީ ރާއްޖެ ގަޑީން 13:02 ގައެވެ. އަދި ފުރިހަމަ ހަނދު ކޭތަ ހިފާފައި ހުންނާނީ ރާއްޖެ ގަޑިން ގާތްގަނޑަކަށް 15:59 ގައެވެ.
އެހެން ނަމަވެސް، މި ކޭތަ ރާއްޖެއަށް ކޭތަ ފެންނާނީ ގާތްގަނޑަކަށް 17:49 އިން ފެށިގެންނެވެ. އަދި މި ކޭތަ ހިފައި ނިމޭނީ ނިމޭނީ ރާއްޖެ ގަޑިން 18:56ގައެވެ.
މި ހަނދު ކޭތަ ރާއްޖެއަށްވެސް ފެންނާނެ ކަމަށް ފަލަކީ ހިސާބުތަކުން ދައްކި ނަމަވެސް ރާއްޖެއަށް ފެންނާނީ ކޭތައިގެ ވަރަށް ކުޑަ މިންވަރެކެވެ.
މިއަދު ހިފާ ފުރިހަމަ ހަނދުކޭތަ (Total Eclipse)، އެންމެ ފުރިހަމައަށް ފެންނާނީ ޕެސިފިކް އޯޝަންގެ ބައެއް ގައުމު ތަކަށާއި، އޭޝިޔާ އާއި އެމެރިކާ ކޮންޓިނެންޓްގެ ބައެއް ގައުމުތަކަށެވެ. އަދި އޭޝިޔާއާއި އެމެރިކާ ކޮންޓިނެންޓްގެ ބައެއް ގައުމުތަކަށް ފަޅިކޭތަ (Partial Eclips) އެއްގެ ގޮތުގައި ވެސް މިކޭތަ ފެންނާނެއެވެ.
Advertisement
This content is created and paid for by advertisers and does not involve Voice Journalists
