ހުޅުދޫ-މީދޫ ގެ ރައްޔިތުން މި ސަރުކާރަށް ނޫނެކޭ ބުނެފިކަމަށް މަޖިލީހުގެ ހުޅުދޫ ދާއިރާގެ ކުރީގެ މެމްބަރު މުހައްމަދު ޝާހިދު ވިދާޅުވެއްޖެއެވެ.
ރައީސް ޔާމީން އައްޑޫ ސިޓީއަށް ކުރައްވާ ދަތުރުފުޅުގައި މިއަދު ވަނީ ހުޅުދޫ-މީދޫއަށް ވަޑައިގެންފައެވެ. އަދި އެމަނިކުފާނު ބައިވެރިވެޑައިގެން އެ ރަށުގައި ވަނީ ޚާއްސަ ޖަލްސާއެއްވެސް ކުރިއަށް ގެންގޮސްފައެވެ.
އެ ޖަލްސާގައި ވާހަކަދައްކަވަން ފައްޓަވަމުން ޝާޑު ވަނީ ހުޅުދޫ-މީދޫގެ ރައްޔިތުން ރައީސް ޔާމިންއަށް ކީ ހޫނު މަރުހަބާއިން ރައްޔިތުންގެ ވިސްނުން ފެނިގެންދާކަމަށް ވިދާޅުވެފައެވެ.
ޝާޑު ވިދާޅުވީ ރައީސް ޔާމީންއަށް މަރުހަބާ ކިޔުމަށް ގިނަ އަދަދެއްގެ ބަޔަކު ނިކުތުމުން އައްޑޫ ރައްޔިތުން މި ސަރުކާރަށް އޮތް ނުރުހުން ފެނިގެންދާކަމަށެވެ. މި ސަރުކާރަށް ހުޅުދޫ0މީދޫގެ ރައްޔިތުން ނޫނެކޭ ބުނެފިކަމަށާއި، ރައްޔިތުން ބޭނުންވަނީ އަލުން އަނބުރާ ރައީސް ޔާމީން ވެރިކަމަށް ގެނައުމަށްކަމަށް ޝާޑު ވަނީ ވިދާޅުވެފައެވެ.
ޝާޑް އިތުރަށް ވިދާޅުވީ ރައީސް ޔާމިންގެ ޒައާމަތުގައި ހުޅުދޫ-މީދޫ ރައްޔިތުން އެދުނު ކަންތައްތައް ފުރިހަމަ ކޮށްދެއްވާފައިވާކަމަށެވެ. އަދި ރައީސް ޔާމީންގެ ލީޑަރޝިޕާއި މެދު ރައްޔިތުން އިތުރު ސުވާލެއް ނުއުފައްދާކަމަށެވެ.
Advertisement
This content is created and paid for by advertisers and does not involve Voice Journalists
