ޖުމްހޫރީ ދުވަހުގެެ ރަސްމީ ޖަލްސާ މާދަމާރެއަށް ފަަސްކޮށްފިިއެވެ.  

ހޯމް މިނިސްޓްރީން މިއަދު ބުނީ، ރޭ ދަންވަރު މާލޭގައި ހިނގި އަލިފާނުގެ ހިތާމަވެރި ހާދިސާއާ ގުޅިގެން، މިރޭ ބާއްވަވާ ގޮތަށް އޮތް ޖުމްހޫރީ ދުވަހުގެ ރަސްމީ ޖަލްސާ މާދަމާރެއަށް ފަސްކުރައްވަން ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ނިންމަަވާފައިވާކަމަށެވެ. 

ވުމާއެކު ދަޢުވަތު އެރުވިފައިވާ ބޭފުޅުން، ދައުވަތު އެރުވިފައިވާ ގަޑިއަށް މާދަމާރޭ ޖަލްސާއަށް އައުމަށްވެސް އެ މިނިސްޓްރީން އެދިފައިވެއެވެ. 

Advertisement

ރޭ މ. ނިރުފެހި ގޭގައި ހިނގި އަލިފާނުގެ ހާދިސާއަކީ، ފަހުގެ ތާރީޚެއްގައި ރާއްޖޭގައި ހިނގައިދިޔަ އެންމެ ނުރައްކާތެރި އަލިފާނުގެ އެ ހާދިސާއެވެ. އެ ހާދިސާ ގައި ނިޔާވި މީހުންގެ އަދަދު 10 އަށް އަރާފައިވާ ކަމަށް އެމްއެންޑީއެފްއިން ބުނެއެވެ. އަދި އަނިޔާވި ބައެއް މީހުންނަށް އައިޖީއެމްއެޗުގައި ދަނީ ފަރުވާދެމުންނެވެ. 

އަދި އެ ހާދިސާ ހިނގައިދިޔަ ސަރަހައްދުގެ ހާލަތު ބައްލަވައި ލެއްވުމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހާއި، ޑިފެންސް މިނިސްޓަރު މާރިޔާ އަހްމަދު ދީދީ އާއި ހޯމް މިނިސްޓަރ ޢިމްރާން ވަނީ އެތަނަށް ވަޑައިގެންފައެވެ.