"ނޭޝަނަލް ސްކިލްސް އެންޑް ކެރިއަރ އެކްސްޕޯ"ގެ ނަމުގައި މިނިސްޓްރީ އޮފް ހަޔަރ އެޑިޔުކޭޝަނާއި މިނިސްޓްރީ އޮފް ޔޫތް، ސްޕޯޓްސް އެންޑް ކޮމިއުނިޓީ އެމްޕަވަމެންޓް ގުޅިގެން ބާއްވާ އެކްސްޕޯގައި އެޗްޑީސީން ވަނީ ބައިވެރިވެއްޖެއެވެ.

މި އެކްސްޕޯ ކުރިޔަށް ގެންދިޔުމަށް ހަމަޖެހިފައިވަނީ 18-19 ނޮވެމްބަރ 2022ގެ ހަވީރު 16:00 އިން 18:00 އަށް އަދި ރޭގަނޑު 20:00 އިން 22:00 އަށް ހުޅުމާލެ ސެންޓްރަލް ޕާކްގައެވެ. 

އެޗްްޑީސީން ބުނީ، މި އެކްސްޕޯގައި އެޗްޑީސީގެ ސްޓޯލް ނަންބަރ 15 އިން އާންމުންނަށް އެކި މައުލޫމާތު ފޯރުކޮށްދެވިގެންދާނެ ކަމަށެވެ. އެގޮތުން، ވަޒީފާގެ ފުރުސަތުތަކާއި ވަޒީފާއަށް ކުރިމަތިލުމުގައި އޮންނަ މަރުހަލާތަކާއި އަދި އާންމުންނަށް ވަޒީފާއަށް ކުރިމަތިލުމަށް ބޭނުންވާނެ އެހެނިހެން އެހީތެރިކަންވެސް މި ސްޓޯލުން ލިބިގެންދާއިރު އެޗްޑީސީގެ ރެކްރޫޓްމެންޓް ޕޯޓަލްއަށް ރެޖިސްޓްރީކޮށްގެން ވަޒީފާއަށް ހުށަހަޅާނެ ގޮތުގެ މައުލޫމާތުވެސް ފޯރުކޮށްދެވޭނެ ކަމަށް އެޗްޑީސީން ބުނެއެވެ. 

މީގެއިތުރުން، އެޗްޑީސީން ވަނީ އެކި ދާއިރާތަކުން 19 ވަޒީފާ އިއުލާންކުރުމަށްވެސް ނިންމާފައިވާ ކަމަށްވެސް ބުނެފައިވެއެވެ. އޭގެތެރޭގައި، އެސިސްޓެންޓް ޑިވެލޮޕްމެންޓް ކޮންޓްރޯލް އޮފިސަރ، އެސިސްޓެންޓް އެސްޓޭޓް އޮފިސަރ، އެސިސްޓެންޓް މެއިންޓެނެންސް އޮފިސަރ، ކާޕެންޓަރ، ޑިވެލޮޕްމަންޓް ކޮންޓްރޯލް އޮފިސަރ، ޑްރައިވަރ، އެސްޓޭޓް އޮފިސަރ، އިރިގޭޝަން ޓެކްނީޝަން، އައިޓީ ބިޒަނަސް އެނަލިސްޓް، މޭސަން، ނެޓްވޯކް ކޯ އިންޖިނިއަރ، ޕްރޮޖެކްޓް މޮނިޓަރިންގ އޮފިސަރ، ކޮލިޓީ އޮޑިޓަރ، ކުއޭންޓިޓީ ސާވެއަރ، ރިސާޗް އެނަލިސްޓް، ސޭލްސް އޮފިސަރ، ސެކިއުރިޓީ އެސިސްޓެންޓް، ސަޕޯޓް ސްޓާފް އަދި ސާވޭއިން އެސިސްޓެންޓް ހިމެނޭ ކަމަށް އަދި މި ހުރިހާ ވަޒީފާތަކަށްވެސް ހުށަހެޅޭނީ އެޗްޑީސީގެ ރެކްރޫޓްމެންޓް ޕޯޓަލް މެދުވެރިކޮށް ކަމަށް އެޗްޑީސީން ބުނެއެވެ. 

އެޗްޑީސީން އިތުރަށް ބުނީ އެ ކޯޕަރޭޝަނުން އަބަދުވެސް މަސައްކަތްކުރަމުންދަނީ ގިނަ ދާއިރާތަކަށް ގާބިލް ޒުވާނުން ބިނާކުރުމާއި ޒުވާނުންގެ ކުރިއެރުމަށް ގިނަ ފުރުސަތުތަކެއް ތަނަވަސްކޮށްދިނުމަށްކަމަށެވެ.