އުކުޅަހު ސުކޫލު ޕްރީސުކޫލް ދަރިވަރުން ލައްވައި މިއުޒިކާއި އެކު ނަށުވަން ދެކޮޅު ހެދި ތިން ޓީޗަރުންގެ ސަސްޕެންޝަން އިތުރު ކޮށްފިއެވެ. 

އުކުޅަހު ސުކޫލު ޕްރީސުކޫލު ދަރިވަރުންނަށް ކިޔަވައި ދެމުންދާ އެ ތިން ޓީޗަރުން ސަސްޕެންޑް ކޮށްފައި މިވަނީ، އެ ކުލާސް ތަކުގެ ދަރިވަރުންނަށް އަމާޒުކޮށްގެން ބޭއްވުމަށް ހަމަޖެހިފައިވާ ކޮންސާޓެއްގައި މިއުޒިކާއި އެކު ދަރިވަރުން ނެށުވުމަށް އިންކާރު ކުރުމާއި ގުޅިގެން، އެ ސުކޫލު ޕްރިންސިޕަލް ޝަހުލާ ޢިމާދު، އެ ޓީޗަރުންނަށް އެކި ފަހަރު މަތިން އިންޒާރުވެސް ދިނުމަށްފަހުގައެވެ. 

އުކުޅަހު ސުކޫލު ޕްރީސުކޫލު ދަރިވަރުންނަށް ކިޔަވައި ދެމުންދާ އެ ތިން ޓީޗަރުން ސަސްޕެންޑް ކޮށްފައި މިވަނީ، އެ ކުލާސް ތަކުގެ ދަރިވަރުންނަށް އަމާޒުކޮށްގެން ބޭއްވުމަށް ހަމަޖެހިފައިވާ ކޮންސާޓެއްގައި މިއުޒިކާއި އެކު ދަރިވަރުން ނެށުވުމަށް އިންކާރު ކުރުމާއި ގުޅިގެން، އެ ސުކޫލު ޕްރިންސިޕަލް ޝަހުލާ ޢިމާދު، އެ ޓީޗަރުންނަށް އެކި ފަހަރު މަތިން އިންޒާރުވެސް ދިނުމަށްފަހުގައެވެ. 

މިފަދައިން ޕްރިންސިޕަލް އިންޒާރު ދެމުން ދިޔަ އިރުވެސް، ޓީޗަރުން ޕްރިންސިޕަލް އަަށް އަންގަމުން ދިޔައީ، އެ ކޮންސާޓުގައި މިއުޒިކު ނުލައިވެސް ކުދިންގެ ވަރަށް ގިނަ ހުނަރުތައް ދައްކާލެވޭ ހަރަކާތްތައް ހިމަނާފައި ހުރި ކަމަށާ، ބެލެނިވެރިންގެ މެޖޯރިޓީ އެމީހުންގެ ދަރިން ލައްވައި މިއުޒިކް ލައިގެން ނަށުވާން ބޭނުން ނޫން ކަމަށެވެ. އަދި މިއުޒިކް އަކީ ޕްރީ ސްކޫލް ކަރިކިއުލަމްގައިވެސް އޮޕްޝަނަލް އެއްޗަކަށް ވާއިރު، އެއާއި ނުލައި ވެސް ޕްރީ ސްކޫލް ދަރިވަރުންގެ ކަންކަން ކުރިއަށް ގެންދިޔުމުގެ އިޚްތިޔާރު ޓީޗަރުންނަށް އޮތް ކަން ޓީޗަރުން ދިޔައީ ޕްރިންސިޕަލަށް ހަނދާން ކޮށްދެމުންނެވެ.

އެހެންނަމަވެސް، އެކި ފަހަރު މަތިން ޓީޗަރުންނާއި ބައްދަލުކޮށް ކޮންސާޓުގައި މިއުޒިކު ހިމެނުމަށް އެ ސުކޫލު ޕްރިންސިޕަލް ޝަހުލާ ޢިމާދު ދިޔައީ އަމުރު ކުރަމުންނެވެ. އަދި މިއުޒިކާއި ނުލައި ދަރިވަރުން ލައްވައި ނަށުވަން ތައްޔާރު ކަން ޓީޗަރުން ބުނަމުން ދިޔައިރުވެސް ޕްރިންސިޕަލް ވަނީ މިއުޒިކާއި އެކު އެ ކޮންސާޓުގެ ނެށުން ކުރިއަށް ގެންދިޔުން ނޫން އިތުރު "ޗޮއިސް" އެއް ޓީޗަރުން ނަށް ނެތް ކަމަށާއި، އެއީ ކަރިކިއުލަމް ގައިވެސް ބުނެފައިވާ ގޮތް ކަމަށާ، އެގޮތަށް ޢަމަލު ނުކުރާނަމަ ފިޔަވަޅު އަޅާނެ ކަމުގެ އިންޒާރު ތަކުރާރުކޮށް ދެމުންނެވެ. 

އެއަށްފަހު އެ ޓީޗަރުންނަކީ ކަރިކިއުލަމް އާއި އެއްގޮތަށް ދަރިވަރުން ލައްވައި ކަންކަން ކުރުމަށް ދެކޮޅު ހަދާ ޓީޗަރުން ކަމަށް ބުނެ، މިމަހުގެ 16 ވަނަ ދުވަހު އެޑިޔުކޭޝަން މިނިސްޓްރީން ވަނީ އެ ތިން ޓީޗަރުން ހަތް ދުވަހުގެ މުއްދަތަށް ސަސްޕެންޑު ކޮށްފައެވެ. 

އަދި އެ ސަސްޕެންޝަނުގެ މުއްދަތު އިތުރު ކުރުމުގެ ކުރިން، އެޑިއުކޭޝަން މިނިސްޓްރީގެ ފަރާތުން ވަނީ އެ ޓީޗަރުންނާއި ގުޅައިގެން، ކަން ހިނގައިދިޔަ ގޮތް އޮޅުން ފިލުވާފައެވެ. އަދި އެ އޮޅުން ފިލުވުމުގެ ތެރެއިންވެސް މިނިސްޓްރީގެ ފަރާތުން ޓީޗަރުންނަށް ގުޅި ބޭފުޅުން މަސައްކަތް ކުރައްވަމުން ދިޔައީ މިއުޒިކް އަކީ ކަރިކިއުލަމް ގައި އޮޕްޝަނަލް އެއްޗެއްގެ ގޮތުގައި ހިމަނާފައި އިން އެއްޗެއް ނަމަވެސް ހަގީގަތުގައި އެއީ އޮޕްޝަން އެއް ނޫން ކަން ހާމަކުރެއްވުމަށް މަސައްކަތް ކުރައްވައި، އެކަމުގެ ހަރާމް ކަމާއި މެދުވެސް ސުވާލު އުފައްްދަވަމުން ކަމަށް ވަރަށް އިތުބާރު ހުރި ފަރާތަކުން 'ވޮއިސް' އަށް މައުލޫމާތުދީފައި ވެއެވެ.

އަދި މީގެ އިތުރުން، އެ ޓީޗަރުން މިއުޒިކް ހަރާމް ކަމަށް ބޮޑެތި ޢިލްމު ވެރިން ވިދާޅުވާ ކަމަށް ބުނަމުން ދިޔައިރުވެސް، މިނިސްޓްރީގެ ޓީމުގެ ވާހަކަތަކާއި ސުވާލުތަކުން އެ ބޭފުޅުން މަސައްކަތް ކުރައްވަމުން ދިޔައީ އެކަމާއި ގުޅޭގޮތުން އެ ޓީޗަރުންގެ އަމިއްލަ ފަތުވާއެއް ހޯދުމަށް ކަން ހާމަވާކަމަށް އެ ފަރާތުން ބުނެފައި ވެއެވެ.

މިނިސްޓްރީގެ ފަރާތުން އައި އެ ކޯލް އަށްފަހު، އަނެއްކާވެސް އެ ޓީޗަރުންގެ ސަސްޕެންޝަން މުއްދަތު އިތުރުކޮށް، މިމަހުގެ 30 ވަނަ ދުވަހަށް ދަންމާފައިވާ ކަމަށް ބުނެ އެޑިޔުކޭޝަން މިނިސްޓްރީން ވަނީ ލިޔުން ފޮނުވާފައެވެ. 

މިފަހަރު ފޮނުވި ލިޔުމުގައިވެސް އޮތީ، އެ ޓީޗަރުން ކަރިކިއުލަމް އިމްޕްލިމެންޓް ކުރަން އެއްބާރުލުން ނުދޭ ކަމަށްވާއިރު, މިއީ ހަގީގަތެއް ނޫންކަން އެޓީޗަރުން މީގެ ކުރިންވެސް ވަނީ ބުނެފައެވެ.