އުރީދޫގެ "ފުޓުބޯޅަ ފޯރި" ގެ ނަމުގައި ވާލްޑް ކަޕަށް ޚާއްސަ ސްޓިކާ ޕެކެއް އުރީދޫ އިން ނެރެފި އެވެ.
ވޯލްޑް ކަޕާއި ގުޅިގެން "ފުޓްބޯޅަ ފޯރި" ނަމުގައި އުރީދޫއިން އަންނަނީ ގިނަ ހަރަކާތްތަކެއް ކަސްޓަމަރުންނަށާއި އާއްމުންނަށް ހުޅުވާލައިގެން ހިންގަމުންނެވެ.
އެގޮތުން އެ ފޯރި އިތުރު ކޮށްލުމުގެ ގޮތުން މިފަހަރު ނެރުނު މި ސްޓިކާ ޕެކް އަކީ ހިލޭ ވައިބާ އަދި ޓެލެގްރާމް ބޭނުންކުރާ ފަރާތްތަކަށް ޑައުންލޯޑް ކޮށްލެވޭނެ ޕެކެއް ކަމަށް އެ ކުންފުނިން ބުނެއެވެ. އަދި މި ސްޓިކާ ޕެކްގައި ހުންނާނީ ފުޓުބޯޅައާ ގުޅުން ހުރި އެކިއެކި "ގޮވެލި"ތައް ކަމަށްވެސް ބުނެފައިވެއެވެ.
އެގޮތުން ދިވެހި ލަފުޒުތައް ހިމެނޭ މި ސްޓިކާ ޕެކުގައި "ސަޅި ގޯލު"، "މިފަހަރު މޮޅުވާނެ"، "ދަނޑުން ފައިބާ" ފަދަ ލަފުޒުތައް ހިމެނޭ ސްޓިކާތަކެއް ވަނީ ހިމަނާފާ އެވެ.
އުރީދޫން މީގެ ކުރިން ވެސް އެކި މުނާސަބަތު ތަކަށް އެފަދަ ސްޓިކާ ޕެކްތައް ނެރެއެވެ. އެގޮތުން އީދު ދުވަސްތަކާއި ރަމަޟާން މަސްފަދަ ދިވެހިންނަށް ޚާއްސަ ދުވަސްތަކަށް އުރީދޫންއިން ސްޓިކާ ޕެކްތައް ހަދާފައިވާ ކަން ފާހަގަ ކުރެވެއެވެ.
Advertisement
This content is created and paid for by advertisers and does not involve Voice Journalists
