ދ.ރިނބުދޫ މަގު ހެދުމުގެ މަސައްކަތުގެ ތެރެއިން އެ ރަށުން ދުވަސްވީ ބޮޅިވަޅެއް ފެނިއްޖެއެވެ.
ރިނބުދޫއިން ފެނުނު ބޮލިވަޅުގެ ވީޑިއޯ އަކާއި އެކު، އެރަށުގެ މައުލޫމާތު ގެނެސްދޭ ޓުވީޓާ އެކައުންޓަކުން ކޮށްފައިވާ ޓުވީޓެއްގައި ބުނީ، އެ ބޮލި ވަޅު ފެނިފައިވަނީ އެ ރަށުގެ ދެކުނު ފަރާތުން ފެނާއި ނަރުދަމާ އެޅުމަށް ހޮޅި ވަޅުލުމުގެ މަސައްކަތް ކުރަމުން ދިޔަ ސަރަހައްދަކުންކަމަށެވެ.
އަދި ބެލެވޭ ގޮތުގައި އެއީ ވަރަށް ކުރީ ޒަމާނެއްގައި އެ ސަރަހައްދުގައި ވަޅުލާފައިވާ ބޮލިތަކެއް ކަމަށްވެސް އެ ފަރާތުން ބުނެފައިވެއެވެ.
ރިނބުދޫއިން ފެނުނު ބޮލިވަޅުގެ މައުލޫމާތު އެރަށު ކައުންސިލުން ހެރިޓޭޖް މިނިސްޓްރީއާއި ހިއްސާ ކޮށްފައިވާއިރު، އެކަމާއި ގުޅިގެން ހެރިޓޭޖް މިނިސްޓަރު ޔުމްނާ މައުމޫން ކުރެއްވި ޓުވީޓެއްގައި ވަނީ އެ ކަމުގައި ހެރިޓޭޖް މިނިސްޓްރީގެ ލަފަޔާއި އެއްގޮތަށް އަމަލުކުރުމަށް ރިނބުދޫ ކައުންސިލްގެ ފަރާތުން އެދިފައެވެ.
އަދި އެ މައުލޫމާތު ހިއްސާ ކުރެއްވި ކަމަށްޓަކައި ރިނބުދޫ ކައުންސިލަށް މިނިސްޓަރު ވަނީ ޝުކުރު އަދާކުރައްވާފައެވެ.
Advertisement
This content is created and paid for by advertisers and does not involve Voice Journalists
