ރާއްޖޭގެ ގިނަ ބަޔަކު ޚިދުމަތް ހޯދަމުންދާ ޕްރައިވެޓް ހޮސްޕިޓަލް ކަމަށްވާ އޭޑީކޭ ހޮސްޕިޓަލުން ދެމުން ގެންދާ ހިދުމަތްތަކުގެ އަގު ބޮޑުކޮށްފިއެވެ.

އެ ހޮސްޕިޓަލުން ނެރުނު ބަޔާނެއްގައި ބުނެފައިވަނީ 2020 ވަނަ އަހަރުން ފެށިގެން ދުނިޔޭގެ އިޤްތިސާދަށް ކުރިމަތިވި ހީނަރުކަމާއި ގުޅިގެން އިންފްލޭޝަން ރޭޓް މަތިވެ މުދަލާއި ހިދުމަތުގެ އަގުތައް ރާއްޖެއާއި ރާއްޖެއިން ބޭރުގައި ބޮޑުވެފައިވާ ކަމަށެވެ.

އެއާއިއެކު އޭޑީކޭގެ ހިންގުމުގެ ހަރަދުތައް އެތައް ގުނައަކުން ބޮޑުވުމާއި އެކު ދެމެހެއްޓެނެވި ގޮތެއްގައި ހިދުމަތް ފޯރުކޮށްދިނުމަށް އެ ހޮސްޕިޓަލުން ހިދުމަތްދެމުން ގެންދާ އަގުތައް އަންނަ ބުރާސްފަތި ދުަހުން ފެށިގެން ބޮޑު ކުރުމަށް ނިންމާފައިވާ ކަމަށް އެ ބަޔާނުގައި ބުނެފައިވެއެވެ.

Advertisement

އޭޑީކޭއިން ބުނީ ވީހާވެސް ލުއި ގޮތަކަށް މި ބަދަލުތައް ގެނައުމުގެ ގޮތުން ހޮސްޕިޓަލުން ދޭ ހިދުމަތްތަކުގެ އަގުތަކަށް ބަދަލު ގެނައުމުގެ ނިންމާފައިވަނީ މަރުހަލާތަކަކަށް ބަހާލައިގެން ކަމަށެވެ.

އަދި އަގަށް ގެނައި ބަދަލުތައް ހޮސްޕިޓަލުގެ ކައުންޓަރުން ލިބޭނެ ކަމަށް އޭޑީކޭ އިން ބުނެފައިވެއެވެ.