މިވަގުތު ޔޫރަޕްގެ ބޮޑެތި ކުލަބުތަކުން އެކުލުންތެރިއެއްގެ ސޮއި ހޯދުމަށްް އެންމެ ބޮޑަށް ބޭނިންވެގެން އުޅޭ ބްރެޒިލްގެ ޒުވާން ފޯވާޑް އެންޑްރިކް ސްޕެއިންގެ ބާސެލޯނާގެ ހުށަހެޅުމަށް ނޫނެކޭބުނެ އެޓީމާއި އެންމެ ވާދަވެރި ރެއާލް މެޑްރިޑާއި ގުޅުމަށް އެއްބަސްވެއްޖެއެވެ.

ބްރެޒިލްގެ ޕަލަމޭރަސް އަށް ކުޅެމުން އަންނަ އުމުރުން 16 އަހަރުގެ ފޯވޯޑް އެންޑްރިކް ފިލިޕޭ ރެއާލް މެޑްރިޑަށް ވިއްކާލަން ޕަލަމޭރަސް އިން އެއްބަސްވި އަގަކީ 60 މިލިއަން ޑޮލަރެވެ. އެންޑްރިކް އަކީ ބްރެޒިލްގެ ކުޅުންތެރިންގެ ތެރެއިން އުމުރުން 18 އަހަރު ނުފުރެނީސް ރެއާލްއިން ސޮއި ކުރި ތިންވަނަ ކުޅުންތެރިޔާ އެވެ. ރެއާލްގެ މިހާރުގެ މުހިންމު ދެ ކުޅުންތެރިން ކަމަށްވާ ވިނީޝިއުސް ޖޫނިއާ އާއި ރޮޑްރިގޯ ގޮއިސް އަކީ ވެސް އުމުރުން 18 އަހަރު ނުފުރެނީސް މެޑްރިޑަށް ކުޅުމަށް އެއްބަސްވި ދެ ކުޅުންތެރިންނެވެ. އެކަމަކު އެ ދެ ކުޅުންތެރިން ވެސް ރެއާލް އަށް ސޮއި ކުރީ އުމުރުން 18 އަހަރު ފުރުމުންނެވެ`

މިސީޒަންގައި ޕަލަމޭރަސް އަށް ކުޅެދިން 7 މެޗުގައި 3 ގޯލް ކާމިޔާބުކޮށްދީފައިވާ އެންޑްރިކް ބުރެޒިލްގެ 17 އަހަރުން ދަށުގެ ޤައުމީ ޓީމަށް ކުޅުނު 4 މެޗު 5 ގޯލް ކާމިޔާބުކޮއްދީފައި ވެއެވެ. ޕަލަމޭރަސްގެ ޔޫތު އެކަޑަމީ ތެރެއިން ތަމްރީންވި ސްޓައިކަރަކީ ކުރިމަގުގައި ދުނިޔޭގެ ފުޓްބޯޅަ ޑޮމިނޭޓް ކުރާނެ ކުޅުންތެރިޔެއް ކަމަށް ބްރެޒިލާއި ޔޫރަޕްގެ ފުޓްބޯޅަ ތަޖުރިކާރުން ވެސް ގަބޫލު ކުރެ އެވެ. އަދި އޭނާގެ ކުޅުމުގެ ސްޓައިލް އަޅާ ކިޔަނީ ބްރެޒިލްގެ ދެ ލެޖެންޑުން ކަމަށްވާ ރޮނާލްޑޯ އާއި ރޯމާރިއޯ އާއެވެ.

އެންޑްރިކް ރަސްމީކޮށް ރެއާލް އަށް ބަދަލު ވާނީ އޭނާ އަށް 18 އަހަރު ފުރުމުން، ޖޫން 2024 ގައި ފަސް އަހަރުގެ އެއްބަސްވުމެއްގައި ރެއާލްއާއި އެކު ސޮއި ކުރުމަށް މިހާރު ވަނީ އެއްބަސްވެފައެވެ.