އެކުވެރިމުގެ މެޗެއްގައި އިގިރޭސި ކުލަބް ލިވަޕޫލް އާއި އިޓާލިއަން ލިގު ޗެންޕިއަން އޭސީ މިލާން ވަދަކުރި މެޗު 4-1 ން ލިވަޕުލް ކާމިޔާބުކޮށްފިއެވެ. ދުބާއީގެ އަލް މަކްތޫމް ސްޓޭޑިއަމް ކުޅެވުނު މިމެޗުގައި، މިހާރު ޤަތަރުގައި ކުރިއަށްދާ ވޯލްޑްކަޕް ފުޓްބޯޅަ މުބާރާތުގައި އުރުގުއާއީ ޓީމުގައި ހިމެނުނު ޑާވިން ނުނޭޒް މިމެޗުގައި ދެ ލަނޑު ކާމިޔާބުކުރިއެވެ.

ރޭގެ މެޗުގެ ވަރަށް ކުރީކޮޅު މުހައްމަދު ސަލާހު ވަނީ ލިވަޕޫލަށް މެޗުގެ ލީޑު ހޯދައި ދީފައެވެ. ނަމަވެސް މެޗު ފުރަތަމަ ހާފު ނިމުމުގެ ކުރިން އޭސީ މިލާންގެ ބެލްޖިއަމް މިޑްފީލްޑަރ އެލެކްސިސް ސެލެމެކަރސް ވަނީ އެޓީމަށް މެޗުގެ ނަތީޖާ ހަމަހަމަކޮށްދީފައެވެ. ނަމަވެސް ފުރަތަމަ ހާފު ނިމުމުގެ ކުރިން ލިވަޕުލުގެ ސްޕެނިޝް މިޑްފީލްޑަރ ތިއާގޯ އެޓީމަށް އަލުން ލީޑު ހޯދައިދިނެވެ. ފުރަތަމަ ހާފުގައި ދެޓިމުގެ ފަރާތުން ދާދި ހަމަހަމަ ކުޅުމެއްފެނިގެންދިޔަ މިމެޗުގައި ނުރައްކާތެރި ހުސް ފުރުސަތުތަކެއް ލިބުނީ ލިވަޕޫލަށެވެ.

މެޗުގެ ދެވަނަ ހާފުގައި އިތުރު ބަދަލުތަކަކާއި އެކު ލިވަޕޫލުން އެޓީމުގެ އެޓޭކުތައް އިތުރަށް ވަރުގަދަކުރިއެވެ.  އަދި މިމެޗުގައި އެޓީމުގެ ފަހު ދެ ލަނޑު ކާމިޔާބުކޮށްދިނީ ބަދަލު ކުޅުންތެރިއެއްގެ ގޮތުގައި ދެވަނަ ހާފުގައި ކުޅެން ނުކުތް ޑާވިން ނުނޭޒްއެވެ. ވޯލްޑް ކަޕްގެ ގުރޫޕް ސްޓޭޖުން އުރުގުއާއީ ހިތްދަތިގޮތަކަށް ކަޓައިގެން ދިއުން އިތުރު ބުރޭކެއް ނެގުމެއްނެތި ނުނޭޒް ވަނީ ލިވަޕޫލްގެ ފަރިތަކުންތަކުގައި ބައިވެރިވާން ފަށާފައެވެ.

Advertisement

ސަލާހު އޭސީ މިލާންގެ ދެކުޅުންތެރިން ކައިރިން ދެމިގަނެވޭތޯ މަސައްކަތްކުރަނީ، މި މެޗުގައި ލިވަޕޫލްގެ ފުރަތަމަ ލަނޑު ކާމިޔާބުކޮށްދިން

މިދި ހަފްތާގައި ލިވަޕޫލުން ވަނީ އެކުވެރިކަމުގެ މެޗެއްގައި ފުރާންސްގެ ލިއޯން އާއި ވާދަކޮށް 3-1 ން ބަލިވެފައެވެ. އަދި ވޯލްޑް ކަޕަށް ފަހު ދެން އެންމެ އަވަހަށް ލިވަޕޫލް ނުކުންނާނީ ޑިސެންބަރު 23 ވަނަ ދުވަހު އިގިރޭސި ލިގުކަޕް ކުއާޓާ ފައިނަލްގައި މެންޗެސްޓަރ ސިޓީއާއި ދެކޮޅަށެވެ.