ދުނިޔޭގެ ބައްރުތަކުގެ ޗެންޕިއަން ކުލަބުތަކުގެ މެދުގައި ކޮންމެ އަހަރަކު ބާއްވަމުން އަންނަ ފިފާ ކުލަބް ވޯލްޑް ކަޕް 01 ފެބުރުއަރީ 2023 ން 11 ފެބްރުއަރީ 2023 ގެ ނިޔަލަށް މޮރޮކޯގައި ބޭއްވުމަށް ފީފާއިން ނިންމައިފިއެވެ.

ޔޫރަޕްގެ ޗެންޕިއަން ސްޕެއިންގެ ރެއާލް މެޑްރިޑް، ދެކުނު އެމެރިކާ ޗެންޕިއަން ބުރެޒިލްގެ ފްލެމެންގޯ، ކޮންކަކާފް (އުތުރު އެމެރިކާ) ޗެންޕިއަން އެމެރިކާގެ ސިއެޓަލް ސައުންޑާސް، ސީއޭއެފް (އެފްރިކާ) ޗެންޕިއަން މޮރޮކޯގެ ވައިޑާޑް އޭސީ، އޭއެފްސީ (އޭޝިއާ އަދި އޮސްޓްރޭލިއާ) ޗެންޕިއަން ސައުދީ އަރަބިއާގެ އަލް ހިލާލް އެސްއެފްސީ، އޯއެފްސީ (އޯޝެނިއާ) ޗެންޕިއަން ނިއުޒިލެންޑްގެ އޯކްލޭންޑް ސިޓީ އެފްސީގެ އިތުރުން މޮރޮކޯގެ ލީގު ރަނަރަޕް ރާޖާ ކްލަބް އެތުލެޓިކް އަންނަ ފެބްރުއަރީ މަހުގެ އެއްވަނަ ދުވަހުން ފެށިގެން 11 ވަނަ ދުވަހުގެ ނިޔަލަށް މޮރޮކޯގެ ކަސަބްލާންކާގައި ކުރިއަށް ގެންދާ މުބާރާތުގައި ބައިވެރިވާނެވެ.

ޗެލްސީގެ ކުޅުންތެރިން ކުލަބް ވޯލްޑްކަޕް ޓްރޮފީއާއި އެކު

މޮރޮކޯގެ ކަސަބްލާންކާ ސީޓީގައި 10 ދުވަހުގެ މުއްދަތައް ކުރިއަގެންދާ މުބާރާތުގައި އެފްރިކާގެ ދެޓީމު ފުރުސަތު ލިބެނީ، މޮރޮކޯގެ ކުލަބް ވައިޑާޑުން މިދިޔަ ސީޒަނުގައި އެފްރިކާގެ ޗެމްޕިއަންސް ލީގާއި މޮރޮކޯ ލީގު ވެސް ކާމިޔާބުކޮށްފަ ވާތީއެވެ. މިއާއެކު މުބާރާތް ބާއްވާ ގައުމުގެ ޑޮމެސްޓިކް ޗެމްޕިއަން ޓީމަށް ފީފާ ރިޒާވް ކުރާ ޖާގަ އަލުން ލީގުގެ ރަނަރަޕް ރާޖާއަށް ދިނުމުގެ ފުރުސަތު އޮތީމައެވެ. މި ދެ ޓީމަކީވެސް މުބާރާތް ބާއްވާ ކަސަބްލާންކާ ސިޓީއަށް ނިސްބަތްވާ ދެޓީމެވެ.

އަދި މިއީ ބައްރުތަކުގެ ޗެންޕިއަން ޓީމުތަކުގު މެދުގައި މި މުބާރާތް ކުޅެވޭނެ އެންމެ ފަހު ފަހަރެވެ. ފީފާއިން މިހާރު ނިންމާފައި ވަނީ 2025 ވަނަ އަހަރުން ފެށިގެން ކޮންމެ 3 އަހަރުން އެއް އަހަރު 32 ޓީމު ހިމެނޭހެން ފީފާ ވޯލްޑް ކަޕް ފޯމެޓަށް، ފީފާ ކުލަބް ވޯލްޑް ކަޕް ބޭއްވުމަށެވެ.

ބަޔާން މިއުނިކް ކުޅުންތެރިން ކުލަބް ވޯލްޑްކަޕް ޓްރޮފީއާއި އެކު

މީގެ ކުރިންވެސް ކްލަބް ވޯލްޑް ކަޕް ފުޓްބޯޅަ މުބާރާތް ދެ ފަހެއްގެމަތިން މޮރޮކޯއިން ހޯސްޓްކޮއްފައިވެއެވެ. އެއީ 2013 އަދި 2014 ވަނަ އަހަރުއެވެ. މި ދެ މުބާރާތް ކާމިޔާބުކުރީ ރެއާލް މެޑްރިޑް އަދި ބަޔާން މިއުނިކް އެވެ. 3 އަހަރު ދުވަހުގެ މެދުކެނޑުމަކަށް ފަހު 2005 ވަނަ އަހަރު އަލުން މި މުބާރާތް ބާއްވަން ފެއްޓިފަހުން ޔޫރަޕް ނުވަތަ ދެކޮނު އެމެރިކާގެ ކަލަބަކަށް ނޫނީ މި މުބާރާތް ކާމިޔާބުކުރެވިފައި ނެތެވެ.